Foydalar 64-dars | Gap uqmaydigan insonlar bilan qanday muomala qilamiz?

Ularning miyasini ochib, o‘z fikrimizni solib qo‘ya olmaymiz. Yoki quruqqa javrab, talashib-tortishib o‘tirish ham foydasiz. Buning javobini Alloh taolo Qur’onning bir qancha o‘rinlarida keltirgan. Shulardan biri — Ra’d surasining 43-oyatida: “Kofir bo‘lgan kishilar: ‘Sen Rasul emassan’, — deydilar. (Ya’ni shunday deb turaverishadi. Endi nima qilish kerak? Javobni qarang:) Ayting: ‘Men bilan sizlarning o‘rtangizda Allohning shohidligi kifoyadir!’” Ya’ni bundan boshqa chora yo‘q. Agar chora bo‘lganida, albatta, Alloh Rasuliga ta’lim berar edi. Chunki miyasi qisilgan odam bilan tortishish — go‘yo bo‘shab qolgan atir idishini siqishga o‘xshaydi. Qancha siqmang, baribir hech narsa chiqmaydi! Balki shuncha qo‘lingizni og‘ritib, qavartirib olasiz, xolos.