Foydalar 86-dars | Ziyraklik va g'ofillik

Hech qachon: “Birovni siqib chiqarib, uning o‘rnini egallab olaman”, deb o‘ylama! Bu – haqiqiy g‘ofillikdir. Balki, boshqalarning rioyasini qilib, ularning muhabbati orqali istagiga erishadigan zakiy bo‘l! Ibnu Javziy aytadilar: “Yusuf alayhissalomning akalari, u zotni quduqqa tashlab, xalos bo‘lib, so‘ngra otalariga yaqin bo‘lib, Yusuf alayhissalomning o‘rnini egallamoqchi bo‘lishdi. Lekin bilmadilarki, otalarining ayriliq sababli cheksiz mahzunligi boshqa bolalaridan oldingidan-da uzoqlashtirib qo‘yar edi! Va ‘Bo‘ri yedi’ deb tuhmat qilishlari ularni otalariga hatto yomon ko‘rsatib ham qo‘yar edi.” (Soydul-xotir kitobidan). Mana bu – g‘ofillik oqibatidir! Agar zakiy bo‘lishganda, Yusuf alayhissalomni hurmat qilib, otalarining muhabbatini qozonishgan bo‘lar edilar! Shuning uchun hech qachon birovni yo‘qotib, uning o‘rnini egallayman, degan axmoq bo‘lma! O‘zingni o‘rningdan ham mahrum bo‘lasan. Bu foydani hayotning barcha sohasida qo‘llab ko‘ring – ana shu haqiqiy ziyraklikdir! Biror vazifaga tayinlansang yoki biror ish boshlasang, atrofingdagilarni siqib chiqarib, “faqat men egaman” degan g‘ofil bo‘lma! Yoki ayollar, o‘zining dindagi opasi yoki singlisi bo‘lgan (kundoshini) erining muhabbatidan chiqarib, “faqat o‘zimniki qilaman” deb g‘ofillik qilib, yana eridan ayrilib o‘tirma! Yoki da‘vatchilar va olimlar, “maydon faqat meniki” deb, boshqalarni kirdikorini ochib, odamlarni undan qaytaraman, deb, oxir-oqibat yana o‘zi maydondan ayrilib qolma!