Foydalar 91-dars | G'ofillikning davosi

Kishi g‘ofilligi sabab shaytonga aldanadi. “Qanday qutulsam?” deb o‘ylashga ham aqli yetmay, aldanib yuraveradi. Va dunyoda zolimlardan jabr ko‘rsa ham, nima qilishga aqli yetmay yuraveradi. Ana shu holat – g‘ofillik deyiladi. Shayx Torifiy aytadilar: “Tongi va tungi zikrlar kishini g‘ofillik sifatidan chiqaradi.” Chunki Alloh taolo aytadi: “Robbingizni nafsingizda tazarru va qo‘rquv bilan, juda jahriy qilmasdan, ertayu kech zikr qiling! G‘ofillardan bo‘lmang!” Demak, ertayu kech zikrni unutgan inson g‘ofilga, ya‘ni aqli ishlamaydigan, farosatsiz odamga aylanadi. Natijada shayton va dushmanlar oldida yengilib qoladi! Ibn Qayyim aytadilar: “Tongi va tungi zikrlar kishiga go‘yoki sovut o‘rnida. Qancha sovutni qalin qilsang, shuncha kiygan kishi o‘qdan ta’sirlanmaydi! Balki sovutning qalinligi gohida shu darajaga yetadiki, otilgan o‘qni qaytarib, hatto otgan kishining o‘ziga burib yuboradi!”