RO‘ZA HOLATIDA OG‘IZ CHAYISHNING HUKMI

Mo‘min tahoratini mukammal shaklda olishga buyurilgan. Hadisi sharifda keladi:

عَنْ عَاصِمِ بْنِ لَقِيطِ بْنِ صَبِرَةَ ، عَنْ أَبِيهِ قَالَ: قُلْتُ: «يَا رَسُولَ اللهِ، أَخْبِرْنِي عَنِ الْوُضُوءِ! قَالَ: أَسْبِغِ الْوُضُوءَ، وَخَلِّلْ بَيْنَ الْأَصَابِعِ، وَبَالِغْ فِي الِاسْتِنْشَاقِ إِلَّا أَنْ تَكُونَ صَائِمًا».

Osim ibn Laqiy al-Omiriy otasi (Laqiyt ibn Sabira roziyallohu anhu)dan rivoyat qiladi: «Men: «Ey Allohning Rasuli! Menga tahorat haqida xabar bering (o‘rgating)», dedim. U zot sollallohu alayhi va sallam: «Tahoratni mukammal qil (a’zolarga suvni to‘liq yetkaz), barmoqlar orasiga xilol qil (suv yetkaz) va burunga suv tortishda mubolag‘a qil (chuqurroq tort), faqat ro‘zador bo‘lsang, bunday qilma», dedilar» (Abu Dovud, 142; Termiziy, 788; Hadis hukmi: «sahih». Manba: «Sahihi Termiziy», 788).

Tahoratni mukammal qil: ya’ni, uni maromiga yetkaz deganidir.

U zot sollallohu alayhi va sallam ro‘za holatida og‘iz va burunni chayishda mubolag‘a qilishdan saqlanish borasida ogohlantirdilar, toki bu man qilingan narsaga, ya’ni ro‘za holatida ichga suv kirib ketishiga olib kelmasin. Ro‘za holatida shunchaki og‘iz chayishga kelsak, agar ro‘zadorning ichiga suv kirmasa, buning zarari yo‘q.

Shuning uchun sahih hadisda keladiki:

عَنْ جَابِرِ بْنِ عَبْدِ اللَّهِ قَالَ: قَالَ عُمَرُ بْنُ الْخَطَّابِ: هَشَشْتُ، فَقَبَّلْتُ وَأَنَا صَائِمٌ، فَقُلْتُ: يَا رَسُولَ اللَّهِ، صَنَعْتُ الْيَوْمَ أَمْرًا عَظِيمًا قَبَّلْتُ، وَأَنَا صَائِمٌ، قَالَ: «أَرَأَيْتَ لَوْ مَضْمَضْتَ مِنَ الْمَاءِ، وَأَنْتَ صَائِمٌ»، - قَالَ عِيسَى بْنُ حَمَّادٍ فِي حَدِيثِهِ - قُلْتُ: لَا بَأْسَ بِهِ، ثُمَّ اتَّفَقَا، قَالَ: «فَمَهْ»

Jobir ibn Abdulloh roziyallohu anhumodan rivoyat qilinadi: «Umar ibn Xattob aytadi: «Ehtirosga berilib ketib, ro‘zador holimda (ayolimni) o‘pdim. Keyin: «Ey Allohning Rasuli, men bugun katta gunoh qilib qo‘ydim, ro‘zador bo‘la turib, (ayolimni) o‘pdim», degan edim, u zot: «Ro‘zador holingda og‘zingni chaysang nima bo‘lardi?» dedilar» – (roviy) Iyso ibn Hammod o‘z rivoyatida aytadi: «(Umar aytadi) «Zarari yo‘q», dedim. – U zot: «Bo‘ldi bo‘lmasa (buning ham zarari yo‘q)» dedilar» (Abu Dovud, 2385; Hadis hukmi: «sahih». Manba: «Sahihi Abu Dovud», 2385).

Hadis shorihi u zot sollallohu alayhi va sallamning: «Ro‘zador holingda og‘zingni chaysang nima bo‘lardi?» degan so‘zlari haqida aytadi: «Bunda nozik bir fiqhga ishora bor, u ham bo‘lsa, og‘iz chayish ro‘zani buzmasligidir, holbuki u ichishning boshlanishidir...».

Alloh bilguvchiroqdir.