RAMAZON QAZOSI BILAN SHAVVOLNING OLTI KUNINI BIR NIYATDA JAMLASH

Bu durust emas, chunki Shavvol oyining olti kunlik ro‘zasi faqat Ramazon ro‘zasi to‘liq tutilganidan keyingina bo‘ladi.

Shayx Ibn Usaymin aytadilar:
«Kim Arafa kuni yoki Ashuro kuni ro‘za tutsa-yu, zimmasida Ramazondan qazosi bo‘lsa, uning ro‘zasi sahihdir. Lekin agar u bu kunni Ramazon qazosi niyatida tutsa, ikkita ajrga ega bo‘ladi: Arafa kuni ajri va Ashuro kuni ajri hamda qazoning ajri. Bu Ramazonga bog‘liq bo‘lmagan mutlaq nafl ro‘zalarga tegishli. Ammo Shavvol oyining olti kunlik ro‘zasiga kelsak, u Ramazonga bog‘liqdir va faqat uning qazosi tutilganidan keyingina bo‘ladi. Agar ularni qazodan oldin tutsa, ularning ajriga ega bo‘lmaydi. Chunki Nabiy sollallohu alayhi va sallam aytganlar: «Kim Ramazon ro‘zasini tutib, so‘ng unga Shavvoldan olti kunni ergashtirsa, go‘yoki yil bo‘yi ro‘za tutgandek bo‘ladi». Ma’lumki, kimning zimmasida qazosi bo‘lsa, u qazoni to‘liq ado etmaguncha Ramazon ro‘zasini tutgan hisoblanmaydi». Iqtibos tugadi («Fatovo as-siyam», 438).

Alloh bilguvchiroqdir.