Yuklanmoqda...
Yuklanmoqda...
Qiyom va taroveh namozlari o‘rtasidagi farqni tushuntirib bersangiz.
Taroveh namozi ham boshqa tungi namozlar, qiyomi laylning bir turidir. Ko‘pchilik avom xalq o‘ylaganidek, bu ikkisi ikki xil namoz emas. Ramazondagi tungi namozning taroveh deb nomlanishiga sabab, salaflar rahimahumulloh bu namozni o‘qiganlarida, ulug‘ ajr mavsumini g‘animat bilib va Nabiy sollallohu alayhi vasallamning quyidagi so‘zlarida zikr qilingan ajrga haris bo‘lib, tungi namozni uzun o‘qishga tirishganlaridan so‘ng har ikki yoki to‘rt rakatdan keyin dam olganlar:
عَنْ أَبِي هُرَيْرَةَ : أَنَّ رَسُولَ اللهِ ﷺ قَالَ: «مَنْ قَامَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ».
Abu Hurayra roziyallohu anhudan rivoyat qilinadi: «Rasululloh sollallohu alayhi vasallam: «Kim Ramazonda iymon bilan, savob umidida qoim bo‘lsa, o‘tgan gunohlari mag‘firat qilinadi», dedilar» (Sahihi Buxoriy, 37).
Alloh bilguvchiroqdir.