Xabbob (roziyallohu anhu)dan rivoyat qilinadi, u shunday dedi: «Biz Rasululloh ﷺning huzurlariga keldik, u zot Kaʼba soyasida bir burda (chopon)ni yostiq qilib yastanib yotgan edilar. Biz u zotga (mushriklarning azoblaridan) shikoyat qilib: ‹Biz uchun (Ollohdan) nusrat soʻramaysizmi? Biz uchun Ollohga duo qilmaysizmi?›, dedik. Shunda u zot yuzlari qizarib oʻtirdilar va: ‹Sizlardan oldingilardan (baʼzi) kishi tutib olinar, soʻng unga yerda chuqur qazilar, soʻng arra keltirilib boshining ustiga qoʻyilar va u ikki boʻlakka boʻlinar edi, biroq bu uni dinidan qaytarmas edi. Temir taroqlar bilan suyagidan boshqa goʻshti va paylari taralar (yulinar) edi, ammo bu ham uni dinidan qaytarmas edi. Ollohga qasamki, Olloh albatta bu ishni (Islomni) shu qadar toʻliq qiladiki, hatto otliq Sanʼo bilan Hazramavt orasida (yolgʻiz) yurganida Ollohdan va qoʻylariga (zarar yetkazadigan) boʻridan boshqa hech narsadan qoʻrqmaydigan boʻladi. Lekin sizlar shoshyapsizlar›, dedilar».Хаббоб (розияллоҳу анҳу)дан ривоят қилинади, у шундай деди: «Биз Расулуллоҳ ﷺнинг ҳузурларига келдик, у зот Каъба соясида бир бурда (чопон)ни ёстиқ қилиб ястаниб ётган эдилар. Биз у зотга (мушрикларнинг азобларидан) шикоят қилиб: ‹Биз учун (Оллоҳдан) нусрат сўрамайсизми? Биз учун Оллоҳга дуо қилмайсизми?›, дедик. Шунда у зот юзлари қизариб ўтирдилар ва: ‹Сизлардан олдингилардан (баъзи) киши тутиб олинар, сўнг унга ерда чуқур қазилар, сўнг арра келтирилиб бошининг устига қўйилар ва у икки бўлакка бўлинар эди, бироқ бу уни динидан қайтармас эди. Темир тароқлар билан суягидан бошқа гўшти ва пайлари таралар (юлинар) эди, аммо бу ҳам уни динидан қайтармас эди. Оллоҳга қасамки, Оллоҳ албатта бу ишни (Исломни) шу қадар тўлиқ қиладики, ҳатто отлиқ Санъо билан Ҳазрамавт орасида (ёлғиз) юрганида Оллоҳдан ва қўйларига (зарар етказадиган) бўридан бошқа ҳеч нарсадан қўрқмайдиган бўлади. Лекин сизлар шошяпсизлар›, дедилар».