Kaʼb ibn Molik (roziyallohu anhu)dan rivoyat qilinadi: Paygʻambar ﷺ safardan kelganlarida, avval masjiddan boshlar (masjidga kirar), unda ikki rakaat namoz oʻqir, soʻngra odamlar bilan oʻtirar edilar. Ibn Sarh hadisni (toʻliq) hikoya qilib aytdi: Rasululloh ﷺ musulmonlarni biz uch kishi bilan gaplashishdan man etdilar. Nihoyat (bu holat) menga uzoq choʻzilib, amakimning oʻgʻli boʻlgan Abu Qatodaning bogʻ devoridan oshib oʻtdim va unga salom berdim. Vallohi, u menga salomimni qaytarmadi. Soʻngra ellikinchi kechaning sahari uylarimizdan birining tomida bomdod namozini oʻqidim. Shunda bir baqiruvchining: «Ey Kaʼb ibn Molik, suyunchi boʻlsin!» deganini eshitdim. Menga xushxabar berib, ovozini eshitgan oʻsha (kishi) yonimga kelganida, men unga kiyimlarimni yechib kiydirdim. Soʻngra (yoʻlga) ravona boʻldim, nihoyat masjidga kirsam, Rasululloh ﷺ oʻtirgan edilar. Shunda Talha ibn Ubaydulloh yugurib oldimga keldi va men bilan koʻrishib, meni tabrikladi.Каъб ибн Молик (розияллоҳу анҳу)дан ривоят қилинади: Пайғамбар ﷺ сафардан келганларида, аввал масжиддан бошлар (масжидга кирар), унда икки ракаат намоз ўқир, сўнгра одамлар билан ўтирар эдилар. Ибн Сарҳ ҳадисни (тўлиқ) ҳикоя қилиб айтди: Расулуллоҳ ﷺ мусулмонларни биз уч киши билан гаплашишдан ман этдилар. Ниҳоят (бу ҳолат) менга узоқ чўзилиб, амакимнинг ўғли бўлган Абу Қатоданинг боғ деворидан ошиб ўтдим ва унга салом бердим. Валлоҳи, у менга саломимни қайтармади. Сўнгра элликинчи кечанинг саҳари уйларимиздан бирининг томида бомдод намозини ўқидим. Шунда бир бақирувчининг: «Эй Каъб ибн Молик, суюнчи бўлсин!» деганини эшитдим. Менга хушхабар бериб, овозини эшитган ўша (киши) ёнимга келганида, мен унга кийимларимни ечиб кийдирдим. Сўнгра (йўлга) равона бўлдим, ниҳоят масжидга кирсам, Расулуллоҳ ﷺ ўтирган эдилар. Шунда Талҳа ибн Убайдуллоҳ югуриб олдимга келди ва мен билан кўришиб, мени табриклади.