Kahmas (rahimahulloh) aytadi: Biz Minoda namozga turdik, imom esa hali chiqmagan edi. Baʼzilarimiz oʻtirdi. Shunda Kufa ahlidan boʻlgan bir shayx menga: «Seni nima oʻtqazib qoʻydi?» dedi. Men: «Ibn Burayda», dedim. U: «Bu — sumud (imomni tik turib kutish)», dedi. Soʻng u shayx menga aytdi: Menga Abdurrahmon ibn Avsaja Baro ibn Ozib (roziyallohu anhu)dan rivoyat qilib aytdi: Biz Allohning Rasuli ﷺ zamonlarida takbir aytishlaridan oldin saflarda uzoq vaqt tik turar edik. Va u zot ﷺ: «Albatta, Alloh va Uning farishtalari birinchi saflarga ulanadigan kishilarga salovot aytadilar. Allohga kishi saf ulash uchun bosadigan qadamdan koʻra suyukliroq qadam yoʻqdir», dedilar.Каҳмас (раҳимаҳуллоҳ) айтади: Биз Минода намозга турдик, имом эса ҳали чиқмаган эди. Баъзиларимиз ўтирди. Шунда Куфа аҳлидан бўлган бир шайх менга: «Сени нима ўтқазиб қўйди?» деди. Мен: «Ибн Бурайда», дедим. У: «Бу — сумуд (имомни тик туриб кутиш)», деди. Сўнг у шайх менга айтди: Менга Абдурраҳмон ибн Авсажа Баро ибн Озиб (розияллоҳу анҳу)дан ривоят қилиб айтди: Биз Аллоҳнинг Расули ﷺ замонларида такбир айтишларидан олдин сафларда узоқ вақт тик турар эдик. Ва у зот ﷺ: «Албатта, Аллоҳ ва Унинг фаришталари биринчи сафларга уланадиган кишиларга саловот айтадилар. Аллоҳга киши саф улаш учун босадиган қадамдан кўра суюклироқ қадам йўқдир», дедилар.