حَدَّثَنَا أَحْمَدُ بْنُ حَنْبَلٍ، حَدَّثَنَا أَبُو عَاصِمٍ الضَّحَّاكُ بْنُ مَخْلَدٍ، ح وَحَدَّثَنَا مُسَدَّدٌ، حَدَّثَنَا يَحْيَى، - وَهَذَا حَدِيثُ أَحْمَدَ قَالَ - أَخْبَرَنَا عَبْدُ الْحَمِيدِ، - يَعْنِي ابْنَ جَعْفَرٍ - أَخْبَرَنِي مُحَمَّدُ بْنُ عَمْرِو بْنِ عَطَاءٍ، قَالَ سَمِعْتُ أَبَا حُمَيْدٍ السَّاعِدِيَّ، فِي عَشْرَةٍ مِنْ أَصْحَابِ رَسُولِ اللَّهِ صلى الله عليه وسلم مِنْهُمْ أَبُو قَتَادَةَ قَالَ أَبُو حُمَيْدٍ أَنَا أَعْلَمُكُمْ بِصَلاَةِ رَسُولِ اللَّهِ صلى الله عليه وسلم . قَالُوا فَلِمَ فَوَاللَّهِ مَا كُنْتَ بِأَكْثَرِنَا لَهُ تَبَعًا وَلاَ أَقْدَمَنَا لَهُ صُحْبَةً . قَالَ بَلَى . قَالُوا فَاعْرِضْ . قَالَ كَانَ رَسُولُ اللَّهِ صلى الله عليه وسلم إِذَا قَامَ إِلَى الصَّلاَةِ يَرْفَعُ يَدَيْهِ حَتَّى يُحَاذِيَ بِهِمَا مَنْكِبَيْهِ ثُمَّ يُكَبِّرُ حَتَّى يَقِرَّ كُلُّ عَظْمٍ فِي مَوْضِعِهِ مُعْتَدِلاً ثُمَّ يَقْرَأُ ثُمَّ يُكَبِّرُ فَيَرْفَعُ يَدَيْهِ حَتَّى يُحَاذِيَ بِهِمَا مَنْكِبَيْهِ ثُمَّ يَرْكَعُ وَيَضَعُ رَاحَتَيْهِ عَلَى رُكْبَتَيْهِ ثُمَّ يَعْتَدِلُ فَلاَ يَصُبُّ رَأْسَهُ وَلاَ يُقْنِعُ ثُمَّ يَرْفَعُ رَأْسَهُ فَيَقُولُ " سَمِعَ اللَّهُ لِمَنْ حَمِدَهُ " . ثُمَّ يَرْفَعُ يَدَيْهِ حَتَّى يُحَاذِيَ بِهِمَا مَنْكِبَيْهِ مُعْتَدِلاً ثُمَّ يَقُولُ " اللَّهُ أَكْبَرُ " . ثُمَّ يَهْوِي إِلَى الأَرْضِ فَيُجَافِي يَدَيْهِ عَنْ جَنْبَيْهِ ثُمَّ يَرْفَعُ رَأْسَهُ وَيَثْنِي رِجْلَهُ الْيُسْرَى فَيَقْعُدُ عَلَيْهَا وَيَفْتَحُ أَصَابِعَ رِجْلَيْهِ إِذَا سَجَدَ وَيَسْجُدُ ثُمَّ يَقُولُ " اللَّهُ أَكْبَرُ " . وَيَرْفَعُ رَأْسَهُ وَيَثْنِي رِجْلَهُ الْيُسْرَى فَيَقْعُدُ عَلَيْهَا حَتَّى يَرْجِعَ كُلُّ عَظْمٍ إِلَى مَوْضِعِهِ ثُمَّ يَصْنَعُ فِي الأُخْرَى مِثْلَ ذَلِكَ ثُمَّ إِذَا قَامَ مِنَ الرَّكْعَتَيْنِ كَبَّرَ وَرَفَعَ يَدَيْهِ حَتَّى يُحَاذِيَ بِهِمَا مَنْكِبَيْهِ كَمَا كَبَّرَ عِنْدَ افْتِتَاحِ الصَّلاَةِ ثُمَّ يَصْنَعُ ذَلِكَ فِي بَقِيَّةِ صَلاَتِهِ حَتَّى إِذَا كَانَتِ السَّجْدَةُ الَّتِي فِيهَا التَّسْلِيمُ أَخَّرَ رِجْلَهُ الْيُسْرَى وَقَعَدَ مُتَوَرِّكًا عَلَى شِقِّهِ الأَيْسَرِ . قَالُوا صَدَقْتَ هَكَذَا كَانَ يُصَلِّي صلى الله عليه وسلم .
Muhammad ibn Amr ibn Atodan rivoyat qilinadi, u shunday dedi: Men Abu Humayd as-Soidiyni (roziyallohu anhu) Rasululloh ﷺ ning sahobalaridan oʻntasi, jumladan Abu Qatoda ham boʻlgan bir davrada eshitdim. Abu Humayd dedi: «Men sizlarning orangizda Rasululloh ﷺ ning namozlarini eng yaxshi biluvchingizman». Ular: «Nega? Vallohi, sen biz oramizda u zotga eng koʻp ergashgan ham, u zotning suhbatlarida bizdan eng oldin boʻlgan ham emassan-ku», dedilar. U: «Yoʻq, (shunday)», dedi. Ular: «Unday boʻlsa, bayon qilib koʻrsat», dedilar. U dedi: Rasululloh ﷺ namozga turganlarida qoʻllarini yelkalari roʻparasiga keltirgunlaricha koʻtarar edilar, soʻng har bir suyak oʻz oʻrnida tinchib joylashguncha takbir aytar edilar, soʻng (Qurʼon) oʻqir edilar, soʻng takbir aytib qoʻllarini yelkalari roʻparasiga keltirgunlaricha koʻtarar edilar, soʻng rukuʼga borib kaftlarini tizzalariga qoʻyar, soʻng (gavdalarini) tik tutib, boshlarini na pastga egar, na yuqoriga koʻtarar edilar, soʻng boshlarini koʻtarib «Samiʼallohu liman hamidah» (Alloh Oʻziga hamd aytganni eshitdi) der edilar, soʻng qoʻllarini yelkalari roʻparasiga keltirgunlaricha tik holda koʻtarar edilar, soʻng «Allohu akbar» (Alloh ulugʻdir) der edilar, soʻng yerga (sajdaga) egilib qoʻllarini yon tomonlaridan uzoq tutar edilar, soʻng boshlarini koʻtarib chap oyoqlarini bukib, uning ustiga oʻtirar va sajda qilganlarida oyoqlarining barmoqlarini ochar edilar, soʻng sajda qilar edilar, soʻng «Allohu akbar» der edilar, soʻng boshlarini koʻtarib chap oyoqlarini bukib, har bir suyak oʻz oʻrniga qaytguncha uning ustiga oʻtirar edilar, soʻng ikkinchi (rakaatda) ham shu kabi qilar edilar. Soʻng ikki rakaatdan turganlarida takbir aytib, namozning boshida takbir aytganlaridagidek qoʻllarini yelkalari roʻparasiga keltirgunlaricha koʻtarar edilar, soʻng namozlarining qolgan qismida ham shuni qilar edilar. Nihoyat salom beriladigan sajda (oxirgi qaʼda) boʻlganda, chap oyoqlarini orqaga chiqarib, chap tomonlari bilan (yerga) tovarruk qilib oʻtirar edilar. Ular: «Toʻgʻri aytding, u zot ﷺ shu tariqa namoz oʻqir edilar», dedilar.Муҳаммад ибн Амр ибн Атодан ривоят қилинади, у шундай деди: Мен Абу Ҳумайд ас-Соидийни (розияллоҳу анҳу) Расулуллоҳ ﷺ нинг саҳобаларидан ўнтаси, жумладан Абу Қатода ҳам бўлган бир даврада эшитдим. Абу Ҳумайд деди: «Мен сизларнинг орангизда Расулуллоҳ ﷺ нинг намозларини энг яхши билувчингизман». Улар: «Нега? Валлоҳи, сен биз орамизда у зотга энг кўп эргашган ҳам, у зотнинг суҳбатларида биздан энг олдин бўлган ҳам эмассан-ку», дедилар. У: «Йўқ, (шундай)», деди. Улар: «Ундай бўлса, баён қилиб кўрсат», дедилар. У деди: Расулуллоҳ ﷺ намозга турганларида қўлларини елкалари рўпарасига келтиргунларича кўтарар эдилар, сўнг ҳар бир суяк ўз ўрнида тинчиб жойлашгунча такбир айтар эдилар, сўнг (Қуръон) ўқир эдилар, сўнг такбир айтиб қўлларини елкалари рўпарасига келтиргунларича кўтарар эдилар, сўнг рукуъга бориб кафтларини тиззаларига қўяр, сўнг (гавдаларини) тик тутиб, бошларини на пастга эгар, на юқорига кўтарар эдилар, сўнг бошларини кўтариб «Самиъаллоҳу лиман ҳамидаҳ» (Аллоҳ Ўзига ҳамд айтганни эшитди) дер эдилар, сўнг қўлларини елкалари рўпарасига келтиргунларича тик ҳолда кўтарар эдилар, сўнг «Аллоҳу акбар» (Аллоҳ улуғдир) дер эдилар, сўнг ерга (саждага) эгилиб қўлларини ён томонларидан узоқ тутар эдилар, сўнг бошларини кўтариб чап оёқларини букиб, унинг устига ўтирар ва сажда қилганларида оёқларининг бармоқларини очар эдилар, сўнг сажда қилар эдилар, сўнг «Аллоҳу акбар» дер эдилар, сўнг бошларини кўтариб чап оёқларини букиб, ҳар бир суяк ўз ўрнига қайтгунча унинг устига ўтирар эдилар, сўнг иккинчи (ракаатда) ҳам шу каби қилар эдилар. Сўнг икки ракаатдан турганларида такбир айтиб, намознинг бошида такбир айтганларидагидек қўлларини елкалари рўпарасига келтиргунларича кўтарар эдилар, сўнг намозларининг қолган қисмида ҳам шуни қилар эдилар. Ниҳоят салом бериладиган сажда (охирги қаъда) бўлганда, чап оёқларини орқага чиқариб, чап томонлари билан (ерга) товаррук қилиб ўтирар эдилар. Улар: «Тўғри айтдинг, у зот ﷺ шу тариқа намоз ўқир эдилар», дедилар.