حَدَّثَنَا مُحَمَّدُ بْنُ يَحْيَى بْنِ فَارِسٍ، أَنَّ الْحَكَمَ بْنَ نَافِعٍ، حَدَّثَهُمْ أَخْبَرَنَا شُعَيْبٌ، عَنِ الزُّهْرِيِّ، عَنْ عُمَارَةَ بْنِ خُزَيْمَةَ، أَنَّ عَمَّهُ، حَدَّثَهُ وَهُوَ، مِنْ أَصْحَابِ النَّبِيِّ صلى الله عليه وسلم أَنَّ النَّبِيَّ صلى الله عليه وسلم ابْتَاعَ فَرَسًا مِنْ أَعْرَابِيٍّ فَاسْتَتْبَعَهُ النَّبِيُّ صلى الله عليه وسلم لِيَقْضِيَهُ ثَمَنَ فَرَسِهِ فَأَسْرَعَ رَسُولُ اللَّهِ صلى الله عليه وسلم الْمَشْىَ وَأَبْطَأَ الأَعْرَابِيُّ فَطَفِقَ رِجَالٌ يَعْتَرِضُونَ الأَعْرَابِيَّ فَيُسَاوِمُونَهُ بِالْفَرَسِ وَلاَ يَشْعُرُونَ أَنَّ النَّبِيَّ صلى الله عليه وسلم ابْتَاعَهُ فَنَادَى الأَعْرَابِيُّ رَسُولَ اللَّهِ صلى الله عليه وسلم فَقَالَ إِنْ كُنْتَ مُبْتَاعًا هَذَا الْفَرَسَ وَإِلاَّ بِعْتُهُ . فَقَامَ النَّبِيُّ صلى الله عليه وسلم حِينَ سَمِعَ نِدَاءَ الأَعْرَابِيِّ فَقَالَ " أَوَلَيْسَ قَدِ ابْتَعْتُهُ مِنْكَ " . فَقَالَ الأَعْرَابِيُّ لاَ وَاللَّهِ مَا بِعْتُكَهُ . فَقَالَ النَّبِيُّ صلى الله عليه وسلم " بَلَى قَدِ ابْتَعْتُهُ مِنْكَ " . فَطَفِقَ الأَعْرَابِيُّ يَقُولُ هَلُمَّ شَهِيدًا . فَقَالَ خُزَيْمَةُ بْنُ ثَابِتٍ أَنَا أَشْهَدُ أَنَّكَ قَدْ بَايَعْتَهُ . فَأَقْبَلَ النَّبِيُّ صلى الله عليه وسلم عَلَى خُزَيْمَةَ فَقَالَ " بِمَ تَشْهَدُ " . فَقَالَ بِتَصْدِيقِكَ يَا رَسُولَ اللَّهِ . فَجَعَلَ رَسُولُ اللَّهِ صلى الله عليه وسلم شَهَادَةَ خُزَيْمَةَ بِشَهَادَةِ رَجُلَيْنِ .
Muhammad ibn Yahyo ibn Foris bizga aytib berdiki, al-Hakam ibn Nofiʼ ularga aytib bergan: Shuʼayb bizga az-Zuhriydan, u Umora ibn Xuzaymadan xabar berdiki, uning amakisi ‒ u Nabiy ﷺ ashoblaridan edi ‒ unga aytib berishicha, Nabiy ﷺ bir aʼrobiydan ot sotib oldilar. Nabiy ﷺ oti puli toʻlanishi uchun uni oʻzlari bilan birga olib ketdilar. Rasululloh ﷺ tez yurib ketdilar, aʼrobiy esa sekin yurdi. Odamlar aʼrobiyning yoʻlini toʻsib, ot uchun u bilan savdolasha boshlashdi va Nabiy ﷺ uni sotib olganlarini sezishmadi. Shunda aʼrobiy Rasululloh ﷺni chaqirib: «Agar shu otni sotib oladigan boʻlsang (ol), boʻlmasa, men uni sotaman», ‒ dedi. Nabiy ﷺ aʼrobiyning chaqirganini eshitib, turib: «Men uni sendan sotib olmaganmidim?» ‒ dedilar. Aʼrobiy: «Yoʻq, Allohga qasamki, men uni senga sotmaganman», ‒ dedi. Nabiy ﷺ: «Yoʻq, men uni sendan sotib oldim», ‒ dedilar. Aʼrobiy esa: «Guvoh keltir», ‒ deyaverdi. Shunda Xuzayma ibn Sobit (roziyallohu anhu): «Men sen uni sotib olganingga guvohlik beraman», ‒ dedi. Nabiy ﷺ Xuzaymaga yuzlanib: «Nima asosida guvohlik berasan?» ‒ dedilar. U: «Sizni tasdiqlaganim asosida, yo Rasululloh», ‒ dedi. Shunda Rasululloh ﷺ Xuzaymaning guvohligini ikki kishining guvohligi (oʻrnida) qildilar.Муҳаммад ибн Яҳё ибн Форис бизга айтиб бердики, ал-Ҳакам ибн Нофиъ уларга айтиб берган: Шуъайб бизга аз-Зуҳрийдан, у Умора ибн Хузаймадан хабар бердики, унинг амакиси ‒ у Набий ﷺ ашобларидан эди ‒ унга айтиб беришича, Набий ﷺ бир аъробийдан от сотиб олдилар. Набий ﷺ оти пули тўланиши учун уни ўзлари билан бирга олиб кетдилар. Расулуллоҳ ﷺ тез юриб кетдилар, аъробий эса секин юрди. Одамлар аъробийнинг йўлини тўсиб, от учун у билан савдолаша бошлашди ва Набий ﷺ уни сотиб олганларини сезишмади. Шунда аъробий Расулуллоҳ ﷺни чақириб: «Агар шу отни сотиб оладиган бўлсанг (ол), бўлмаса, мен уни сотаман», ‒ деди. Набий ﷺ аъробийнинг чақирганини эшитиб, туриб: «Мен уни сендан сотиб олмаганмидим?» ‒ дедилар. Аъробий: «Йўқ, Аллоҳга қасамки, мен уни сенга сотмаганман», ‒ деди. Набий ﷺ: «Йўқ, мен уни сендан сотиб олдим», ‒ дедилар. Аъробий эса: «Гувоҳ келтир», ‒ деяверди. Шунда Хузайма ибн Собит (розияллоҳу анҳу): «Мен сен уни сотиб олганингга гувоҳлик бераман», ‒ деди. Набий ﷺ Хузаймага юзланиб: «Нима асосида гувоҳлик берасан?» ‒ дедилар. У: «Сизни тасдиқлаганим асосида, ё Расулуллоҳ», ‒ деди. Шунда Расулуллоҳ ﷺ Хузайманинг гувоҳлигини икки кишининг гувоҳлиги (ўрнида) қилдилар.