Huzayfa (roziyallohu anhu) aytadi: Biz Rasululloh ﷺ bilan birga bir taomga hozir boʻlsak, Rasululloh ﷺ boshlamagunlaricha hech birimiz qoʻlimizni uzatmas edik. Bir kuni biz u zot bilan birga bir taomga hozir boʻldik. Shu payt bir aʼrobiy goʻyo (kimdir tomonidan) itarilayotgandek (shoshib) kelib, qoʻlini taomga uzatmoqchi boʻldi. Shunda Rasululloh ﷺ uning qoʻlidan ushlab qoldilar. Soʻng bir joriya goʻyo itarilayotgandek (shoshib) kelib, qoʻlini taomga uzatmoqchi boʻldi. Rasululloh ﷺ uning ham qoʻlidan ushlab qoldilar va: «Albatta, shayton oʻziga Allohning ismi zikr qilinmagan taomni halol sanaydi. U mana shu aʼrobiyni ana shu (taom) orqali (oʻziga) halol qilmoqchi boʻlib olib keldi, shunda men uning qoʻlidan ushladim. Yana mana shu joriyani u orqali halol qilmoqchi boʻlib olib keldi, shunda men uning qoʻlidan ushladim. Jonim qoʻlida boʻlgan Zot bilan qasamki, uning (shaytonning) qoʻli ularning ikkovi qoʻli bilan birga mening qoʻlimda edi», dedilar.Ҳузайфа (розияллоҳу анҳу) айтади: Биз Расулуллоҳ ﷺ билан бирга бир таомга ҳозир бўлсак, Расулуллоҳ ﷺ бошламагунларича ҳеч биримиз қўлимизни узатмас эдик. Бир куни биз у зот билан бирга бир таомга ҳозир бўлдик. Шу пайт бир аъробий гўё (кимдир томонидан) итарилаётгандек (шошиб) келиб, қўлини таомга узатмоқчи бўлди. Шунда Расулуллоҳ ﷺ унинг қўлидан ушлаб қолдилар. Сўнг бир жория гўё итарилаётгандек (шошиб) келиб, қўлини таомга узатмоқчи бўлди. Расулуллоҳ ﷺ унинг ҳам қўлидан ушлаб қолдилар ва: «Албатта, шайтон ўзига Аллоҳнинг исми зикр қилинмаган таомни ҳалол санайди. У мана шу аъробийни ана шу (таом) орқали (ўзига) ҳалол қилмоқчи бўлиб олиб келди, шунда мен унинг қўлидан ушладим. Яна мана шу жорияни у орқали ҳалол қилмоқчи бўлиб олиб келди, шунда мен унинг қўлидан ушладим. Жоним қўлида бўлган Зот билан қасамки, унинг (шайтоннинг) қўли уларнинг иккови қўли билан бирга менинг қўлимда эди», дедилар.