Abu Najih as-Sulamiy (roziyallohu anhu) aytadi: Biz Rasululloh ﷺ bilan birga Toif qalʼasini qamal qildik. — Muʼoz (rivoyatda) aytadi: men otamning goh «Toif qasri», goh «Toif hisni» deganini eshitdim, bularning hammasi bir (maʼnoda). — Men Rasululloh ﷺ ning: «Kim aziz va jalil Alloh yoʻlida bir oʻqni (nishonga) yetkazsa, unga (jannatda) bir daraja boʻladi», deganlarini eshitdim. — Va u (rovi) hadisni davom ettirdi. — Yana men Rasululloh ﷺ ning: «Qaysi bir musulmon erkak musulmon bir erkakni ozod qilsa, albatta aziz va jalil Alloh uning har bir suyagini, oʻsha ozod qilingan kishining har bir suyagi evaziga doʻzaxdan toʻsiq qiladi. Qaysi bir ayol musulmon bir ayolni ozod qilsa, albatta Alloh uning har bir suyagini, oʻsha ozod qilingan ayolning har bir suyagi evaziga qiyomat kuni doʻzaxdan toʻsiq qiladi», deganlarini eshitdim.Абу Нажиҳ ас-Суламий (розияллоҳу анҳу) айтади: Биз Расулуллоҳ ﷺ билан бирга Тоиф қалъасини қамал қилдик. — Муъоз (ривоятда) айтади: мен отамнинг гоҳ «Тоиф қасри», гоҳ «Тоиф ҳисни» деганини эшитдим, буларнинг ҳаммаси бир (маънода). — Мен Расулуллоҳ ﷺ нинг: «Ким азиз ва жалил Аллоҳ йўлида бир ўқни (нишонга) етказса, унга (жаннатда) бир даража бўлади», деганларини эшитдим. — Ва у (рови) ҳадисни давом эттирди. — Яна мен Расулуллоҳ ﷺ нинг: «Қайси бир мусулмон эркак мусулмон бир эркакни озод қилса, албатта азиз ва жалил Аллоҳ унинг ҳар бир суягини, ўша озод қилинган кишининг ҳар бир суяги эвазига дўзахдан тўсиқ қилади. Қайси бир аёл мусулмон бир аёлни озод қилса, албатта Аллоҳ унинг ҳар бир суягини, ўша озод қилинган аёлнинг ҳар бир суяги эвазига қиёмат куни дўзахдан тўсиқ қилади», деганларини эшитдим.