Anas (roziyallohu anhu)dan rivoyat qilinadi: Rasululloh ﷺ kishilarning xulqi eng goʻzali edilar. Bir kuni meni biror ishga yubordilar. Men: «Vallohi, bormayman», dedim. Holbuki, ichimda Allohning Nabiysi ﷺ menga buyurgan ishni bajarish niyatim bor edi. (Anas) dedi: Shunday qilib, chiqib ketdim va bozorda oʻynayotgan bolalarning yoniga oʻtdim. Shu payt Rasululloh ﷺ orqamdan kelib boʻynimning ketidan ushlab oldilar. Men u zotga qarasam, kulib turardilar. Soʻng: «Ey Unays, seni buyurgan joyimga borgin», dedilar. Men: «Ha, boraman, ey Rasululloh!» dedim. Anas dedi: Vallohi, men u zotga yetti yil yoki toʻqqiz yil xizmat qildim. Bir ish qilsam, «Buni nega bunday qilding?» deganlarini bilmayman, biror ishni tark etsam, «Buni nega bunday qilmading?» deganlarini ham bilmayman.Анас (розияллоҳу анҳу)дан ривоят қилинади: Расулуллоҳ ﷺ кишиларнинг хулқи энг гўзали эдилар. Бир куни мени бирор ишга юбордилар. Мен: «Валлоҳи, бормайман», дедим. Ҳолбуки, ичимда Аллоҳнинг Набийси ﷺ менга буюрган ишни бажариш ниятим бор эди. (Анас) деди: Шундай қилиб, чиқиб кетдим ва бозорда ўйнаётган болаларнинг ёнига ўтдим. Шу пайт Расулуллоҳ ﷺ орқамдан келиб бўйнимнинг кетидан ушлаб олдилар. Мен у зотга қарасам, кулиб турардилар. Сўнг: «Эй Унайс, сени буюрган жойимга боргин», дедилар. Мен: «Ҳа, бораман, эй Расулуллоҳ!» дедим. Анас деди: Валлоҳи, мен у зотга етти йил ёки тўққиз йил хизмат қилдим. Бир иш қилсам, «Буни нега бундай қилдинг?» деганларини билмайман, бирор ишни тарк этсам, «Буни нега бундай қилмадинг?» деганларини ҳам билмайман.