حَدَّثَنَا مُحَمَّدُ بْنُ يَحْيَى بْنِ فَارِسٍ، حَدَّثَنَا نُوحُ بْنُ يَزِيدَ بْنِ سَيَّارٍ الْمُؤَدِّبُ، حَدَّثَنَا إِبْرَاهِيمُ بْنُ سَعْدٍ، قَالَ حَدَّثَنِيهِ ابْنُ إِسْحَاقَ، عَنْ عِيسَى بْنِ مَعْمَرٍ، عَنْ عَبْدِ اللَّهِ بْنِ عَمْرِو بْنِ الْفَغْوَاءِ الْخُزَاعِيِّ، عَنْ أَبِيهِ، قَالَ دَعَانِي رَسُولُ اللَّهِ صلى الله عليه وسلم وَقَدْ أَرَادَ أَنْ يَبْعَثَنِي بِمَالٍ إِلَى أَبِي سُفْيَانَ يَقْسِمُهُ فِي قُرَيْشٍ بِمَكَّةَ بَعْدَ الْفَتْحِ فَقَالَ " الْتَمِسْ صَاحِبًا " . قَالَ فَجَاءَنِي عَمْرُو بْنُ أُمَيَّةَ الضَّمْرِيُّ فَقَالَ بَلَغَنِي أَنَّكَ تُرِيدُ الْخُرُوجَ وَتَلْتَمِسُ صَاحِبًا . قَالَ قُلْتُ أَجَلْ . قَالَ فَأَنَا لَكَ صَاحِبٌ . قَالَ فَجِئْتُ رَسُولَ اللَّهِ صلى الله عليه وسلم قُلْتُ قَدْ وَجَدْتُ صَاحِبًا . قَالَ فَقَالَ " مَنْ " . قُلْتُ عَمْرَو بْنَ أُمَيَّةَ الضَّمْرِيَّ . قَالَ " إِذَا هَبَطْتَ بِلاَدَ قَوْمِهِ فَاحْذَرْهُ فَإِنَّهُ قَدْ قَالَ الْقَائِلُ أَخُوكَ الْبِكْرِيُّ وَلاَ تَأْمَنْهُ " . فَخَرَجْنَا حَتَّى إِذَا كُنْتُ بِالأَبْوَاءِ قَالَ إِنِّي أُرِيدُ حَاجَةً إِلَى قَوْمِي بِوَدَّانَ فَتَلْبَثُ لِي قُلْتُ رَاشِدًا فَلَمَّا وَلَّى ذَكَرْتُ قَوْلَ النَّبِيِّ صلى الله عليه وسلم فَشَدَدْتُ عَلَى بَعِيرِي حَتَّى خَرَجْتُ أُوضِعُهُ حَتَّى إِذَا كُنْتُ بِالأَصَافِرِ إِذَا هُوَ يُعَارِضُنِي فِي رَهْطٍ قَالَ وَأَوْضَعْتُ فَسَبَقْتُهُ فَلَمَّا رَآنِي قَدْ فُتُّهُ انْصَرَفُوا وَجَاءَنِي فَقَالَ كَانَتْ لِي إِلَى قَوْمِي حَاجَةٌ . قَالَ قُلْتُ أَجَلْ وَمَضَيْنَا حَتَّى قَدِمْنَا مَكَّةَ فَدَفَعْتُ الْمَالَ إِلَى أَبِي سُفْيَانَ .
Amr ibn al-Fagʻvo al-Xuzoiy (roziyallohu anhu)dan, otasidan rivoyat qilinadiki, u shunday dedi: Rasululloh ﷺ meni chaqirdilar. U zot fath (Makka fathi)dan keyin Makkadagi Quraysh orasida taqsimlash uchun Abu Sufyonga bir mol-mulk bilan meni joʻnatmoqchi edilar. U zot: «Oʻzingga bir hamroh izlab top», dedilar. (Amr aytadi:) Shunda menga Amr ibn Umayya az-Zamriy keldi va: «Eshitishimcha, sen safarga chiqmoqchi ekansan va hamroh izlayapsan», dedi. Men: «Ha», dedim. U: «Men senga hamroh boʻlaman», dedi. Men Rasululloh ﷺning oldilariga keldim va: «Hamroh topdim», dedim. U zot: «Kim u?» dedilar. Men: «Amr ibn Umayya az-Zamriy», dedim. U zot: «Uning qavmi yurtiga tushganingda undan ehtiyot boʻl. Zero, naql qiluvchi: ‹Birga oshini yegan birodaringga ham ishonma› degan», dedilar. Soʻng yoʻlga chiqdik. Abvoga yetganimizda u: «Vaddondagi qavmimga ozgina ishim bor edi, meni biroz kutib turasan», dedi. Men: «Ishing oʻngidan kelsin», dedim. U ortga burilib ketganida Nabiy ﷺning soʻzlari yodimga tushdi-da, tuyamni qattiq haydab, jadal yoʻl yurdim. Asofirga yetganimda, qarasam, u bir guruh (odamlar) bilan menga roʻbaru kelyapti. Men tuyamni tezlatib, undan oʻzib ketdim. U meni oʻzib ketganimni koʻrgach, (hamrohlari) qaytib ketishdi, oʻzi esa oldimga kelib: «Qavmimga bir ishim bor edi», dedi. Men: «Ha», dedim. Soʻng yoʻl davom etib, Makkaga yetib keldik va men molni Abu Sufyonga topshirdim.Амр ибн ал-Фағво ал-Хузоий (розияллоҳу анҳу)дан, отасидан ривоят қилинадики, у шундай деди: Расулуллоҳ ﷺ мени чақирдилар. У зот фатҳ (Макка фатҳи)дан кейин Маккадаги Қурайш орасида тақсимлаш учун Абу Суфёнга бир мол-мулк билан мени жўнатмоқчи эдилар. У зот: «Ўзингга бир ҳамроҳ излаб топ», дедилар. (Амр айтади:) Шунда менга Амр ибн Умайя аз-Замрий келди ва: «Эшитишимча, сен сафарга чиқмоқчи экансан ва ҳамроҳ излаяпсан», деди. Мен: «Ҳа», дедим. У: «Мен сенга ҳамроҳ бўламан», деди. Мен Расулуллоҳ ﷺнинг олдиларига келдим ва: «Ҳамроҳ топдим», дедим. У зот: «Ким у?» дедилар. Мен: «Амр ибн Умайя аз-Замрий», дедим. У зот: «Унинг қавми юртига тушганингда ундан эҳтиёт бўл. Зеро, нақл қилувчи: ‹Бирга ошини еган биродарингга ҳам ишонма› деган», дедилар. Сўнг йўлга чиқдик. Абвога етганимизда у: «Ваддондаги қавмимга озгина ишим бор эди, мени бироз кутиб турасан», деди. Мен: «Ишинг ўнгидан келсин», дедим. У ортга бурилиб кетганида Набий ﷺнинг сўзлари ёдимга тушди-да, туямни қаттиқ ҳайдаб, жадал йўл юрдим. Асофирга етганимда, қарасам, у бир гуруҳ (одамлар) билан менга рўбару келяпти. Мен туямни тезлатиб, ундан ўзиб кетдим. У мени ўзиб кетганимни кўргач, (ҳамроҳлари) қайтиб кетишди, ўзи эса олдимга келиб: «Қавмимга бир ишим бор эди», деди. Мен: «Ҳа», дедим. Сўнг йўл давом этиб, Маккага етиб келдик ва мен молни Абу Суфёнга топширдим.