Horun ibn Abdulloh al-Bazzoz bizga Makkiy ibn Ibrohimdan, u Abdulloh — yaʼni ibn Said ibn Abu Hinddan, u Abun-Nazrdan, u Busr ibn Saiddan, u Zayd ibn Sobit (roziyallohu anhu)dan rivoyat qildiki, u dedi: Rasululloh ﷺ masjidda boʻyradan bir hujra qilib oldilar. Rasululloh ﷺ kechasi chiqib, unda namoz oʻqir edilar. (Zayd) dedi: Erkaklar u zot bilan birga, u zotning namozlariga ergashib namoz oʻqir edilar va har kecha u zotning huzurlariga kelar edilar. Nihoyat kechalardan bir kecha Rasululloh ﷺ ularning oldilariga chiqmadilar. Shunda ular tomoq qirib, ovozlarini koʻtardilar va eshiklarini mayda toshlar bilan otdilar. (Zayd) dedi: Bas, Rasululloh ﷺ ularning oldilariga gʻazablangan holda chiqdilar-da, dedilar: «Ey odamlar! Bu qilmishingiz, men sizlarga (bu namoz) farz qilib qoʻyilishidan qoʻrqquncha davom etdi. Bas, namozlaringizni uylaringizda oʻqinglar, chunki kishining eng yaxshi namozi — farz namozidan boshqasi — oʻz uyida oʻqigan namozidir».Ҳорун ибн Абдуллоҳ ал-Баззоз бизга Маккий ибн Иброҳимдан, у Абдуллоҳ — яъни ибн Саид ибн Абу Ҳинддан, у Абун-Назрдан, у Буср ибн Саиддан, у Зайд ибн Собит (розияллоҳу анҳу)дан ривоят қилдики, у деди: Расулуллоҳ ﷺ масжидда бўйрадан бир ҳужра қилиб олдилар. Расулуллоҳ ﷺ кечаси чиқиб, унда намоз ўқир эдилар. (Зайд) деди: Эркаклар у зот билан бирга, у зотнинг намозларига эргашиб намоз ўқир эдилар ва ҳар кеча у зотнинг ҳузурларига келар эдилар. Ниҳоят кечалардан бир кеча Расулуллоҳ ﷺ уларнинг олдиларига чиқмадилар. Шунда улар томоқ қириб, овозларини кўтардилар ва эшикларини майда тошлар билан отдилар. (Зайд) деди: Бас, Расулуллоҳ ﷺ уларнинг олдиларига ғазабланган ҳолда чиқдилар-да, дедилар: «Эй одамлар! Бу қилмишингиз, мен сизларга (бу намоз) фарз қилиб қўйилишидан қўрққунча давом этди. Бас, намозларингизни уйларингизда ўқинглар, чунки кишининг энг яхши намози — фарз намозидан бошқаси — ўз уйида ўқиган намозидир».