Abdulloh ibn Abbos (roziyallohu anhumo)dan rivoyat qilinadiki, Banu Saʼd ibn Bakrning birodari Zimom ibn Saʼlaba islomga kirganida Rasululloh ﷺdan islomning farzlari — namoz va boshqalari haqida soʻradi. U zot unga besh vaqt namozni sanab berdilar, ularning ustiga (boshqasini) qoʻshmadilar; soʻng zakotni, soʻng ramazon roʻzasini, soʻng Baytni haj qilishni (aytdilar). Soʻng unga Alloh oʻziga harom qilgan narsalarni bildirdilar. (U zot) tugatgach, u: «Guvohlik beramanki, Allohdan oʻzga iloh yoʻq va guvohlik beramanki, sen Allohning Rasulisan. Menga buyurgan narsangni albatta qilaman: ziyoda ham qilmayman, kam ham qilmayman», dedi. (Rovi) dedi: Soʻng u orqasiga qaytdi. Shunda Rasululloh ﷺ: «Agar ikki kokilli (kishi) rost soʻzlasa, jannatga kiradi», dedilar.Абдуллоҳ ибн Аббос (розияллоҳу анҳумо)дан ривоят қилинадики, Бану Саъд ибн Бакрнинг биродари Зимом ибн Саълаба исломга кирганида Расулуллоҳ ﷺдан исломнинг фарзлари — намоз ва бошқалари ҳақида сўради. У зот унга беш вақт намозни санаб бердилар, уларнинг устига (бошқасини) қўшмадилар; сўнг закотни, сўнг рамазон рўзасини, сўнг Байтни ҳаж қилишни (айтдилар). Сўнг унга Аллоҳ ўзига ҳаром қилган нарсаларни билдирдилар. (У зот) тугатгач, у: «Гувоҳлик бераманки, Аллоҳдан ўзга илоҳ йўқ ва гувоҳлик бераманки, сен Аллоҳнинг Расулисан. Менга буюрган нарсангни албатта қиламан: зиёда ҳам қилмайман, кам ҳам қилмайман», деди. (Рови) деди: Сўнг у орқасига қайтди. Шунда Расулуллоҳ ﷺ: «Агар икки кокилли (киши) рост сўзласа, жаннатга киради», дедилар.