Ibn Abbos (roziyallohu anhumo)dan rivoyat qilinadiki, Rasululloh ﷺ shunday dedilar: «Jibril Ibrohimni Jamratul-Aqabaga olib bordi. Shayton unga roʻpara boʻldi, u esa uni yettita tosh bilan otdi, bas, (shayton) yerga singib ketdi. Soʻng oʻrtadagi jamraga keldi; shayton unga roʻpara boʻldi, u uni yettita tosh bilan otdi, bas, (shayton) yerga singib ketdi. Soʻng eng chetdagi jamraga keldi; shayton unga roʻpara boʻldi, u uni yettita tosh bilan otdi, bas, (shayton) yerga singib ketdi. Ibrohim oʻgʻli Ishoqni soʻymoqchi boʻlganida, (oʻgʻli) otasiga: ‹Ey otajon! Meni mahkam bogʻla, tipirchilamayin va meni soʻyayotganingda qonimdan senga sachramasin›, dedi. Bas, u uni mahkam bogʻladi. Pichoqni olib, uni soʻymoqchi boʻlganida, ortidan: {Ey Ibrohim, tushni haqiqatga chiqarding} deb nido qilindi».Ибн Аббос (розияллоҳу анҳумо)дан ривоят қилинадики, Расулуллоҳ ﷺ шундай дедилар: «Жибрил Иброҳимни Жамратул-Ақабага олиб борди. Шайтон унга рўпара бўлди, у эса уни еттита тош билан отди, бас, (шайтон) ерга сингиб кетди. Сўнг ўртадаги жамрага келди; шайтон унга рўпара бўлди, у уни еттита тош билан отди, бас, (шайтон) ерга сингиб кетди. Сўнг энг четдаги жамрага келди; шайтон унга рўпара бўлди, у уни еттита тош билан отди, бас, (шайтон) ерга сингиб кетди. Иброҳим ўғли Ишоқни сўймоқчи бўлганида, (ўғли) отасига: ‹Эй отажон! Мени маҳкам боғла, типирчиламайин ва мени сўяётганингда қонимдан сенга сачрамасин›, деди. Бас, у уни маҳкам боғлади. Пичоқни олиб, уни сўймоқчи бўлганида, ортидан: {Эй Иброҳим, тушни ҳақиқатга чиқардинг} деб нидо қилинди».