Ibn Abbos (roziyallohu anhumo)dan rivoyat qilinadiki, bir kishi may hali halol paytida (safarga) chiqqan va Rasululloh ﷺga bir meshcha may hadya qilgan edi. U uni tuya ustida yetaklab kelib, Rasululloh ﷺni oʻtirgan holda topdi. U zot: «Sen bilan bu nima?» dedilar. U: «Bir mesh may, uni sizga hadya qildim», dedi. U zot: «Alloh tabarak va taolo uni harom qilganini bilarmiding?» dedilar. U: «Yoʻq», dedi. U zot: «Albatta, Alloh uni harom qildi», dedilar. Shunda oʻsha kishi tuyani yetaklab turgan kishiga oʻgirilib, oʻzaro bir narsa dedi. U zot: «Unga nima deding?» dedilar. U: «Men unga buni sotishni buyurdim», dedi. U zot: «Uni ichishni harom qilgan Zot uni sotishni ham harom qildi», dedilar. Bas, u zot mesh ogʻizlarini (ochishga) buyurdilar va ular ochilib, (may) tuproqqa toʻkildi. Men unga Bathoda qaradim — unda hech narsa qolmagan edi.Ибн Аббос (розияллоҳу анҳумо)дан ривоят қилинадики, бир киши май ҳали ҳалол пайтида (сафарга) чиққан ва Расулуллоҳ ﷺга бир мешча май ҳадя қилган эди. У уни туя устида етаклаб келиб, Расулуллоҳ ﷺни ўтирган ҳолда топди. У зот: «Сен билан бу нима?» дедилар. У: «Бир меш май, уни сизга ҳадя қилдим», деди. У зот: «Аллоҳ табарак ва таоло уни ҳаром қилганини билармидинг?» дедилар. У: «Йўқ», деди. У зот: «Албатта, Аллоҳ уни ҳаром қилди», дедилар. Шунда ўша киши туяни етаклаб турган кишига ўгирилиб, ўзаро бир нарса деди. У зот: «Унга нима дединг?» дедилар. У: «Мен унга буни сотишни буюрдим», деди. У зот: «Уни ичишни ҳаром қилган Зот уни сотишни ҳам ҳаром қилди», дедилар. Бас, у зот меш оғизларини (очишга) буюрдилар ва улар очилиб, (май) тупроққа тўкилди. Мен унга Батҳода қарадим — унда ҳеч нарса қолмаган эди.