Ibn Abbos (roziyallohu anhumo)dan rivoyat qilinadiki, bir kishi Rasululloh ﷺ huzurlariga kelib: «Yo Rasululloh, men xurmo changlatilganidan beri ahlimga yaqinlashganim yoʻq», dedi. — (Roviy aytdi: xurmoning ifori shuki, u changlatilganda, changlatilgandan soʻng qirq kun sugʻorilmay, changga belangan holda qoldiriladi.) — «Ammo ayolim bilan bir erkakni topdim», dedi. Ayolning eri sargʻish, ozgʻin, sochi tekis kishi edi; u tuhmat qilingan kishi esa baquvvat, qorachadan kelgan, sochi juda jingalak edi. Shunda Rasululloh ﷺ: «Allohim, (haqiqatni) ayon qil», dedilar. Soʻng u ikkovining orasida liʼon qildirdilar. Bas, ayol oʻzi tuhmat qilingan kishiga oʻxshagan bola tugʻdi.Ибн Аббос (розияллоҳу анҳумо)дан ривоят қилинадики, бир киши Расулуллоҳ ﷺ ҳузурларига келиб: «Ё Расулуллоҳ, мен хурмо чанглатилганидан бери аҳлимга яқинлашганим йўқ», деди. — (Ровий айтди: хурмонинг ифори шуки, у чанглатилганда, чанглатилгандан сўнг қирқ кун суғорилмай, чангга беланган ҳолда қолдирилади.) — «Аммо аёлим билан бир эркакни топдим», деди. Аёлнинг эри сарғиш, озғин, сочи текис киши эди; у туҳмат қилинган киши эса бақувват, қорачадан келган, сочи жуда жингалак эди. Шунда Расулуллоҳ ﷺ: «Аллоҳим, (ҳақиқатни) аён қил», дедилар. Сўнг у икковининг орасида лиъон қилдирдилар. Бас, аёл ўзи туҳмат қилинган кишига ўхшаган бола туғди.