Abdulloh ibn Masʼud (roziyallohu anhu)dan rivoyat qilinadi: Rasululloh ﷺ bir namoz oʻqidilar — (rakatni) ziyoda qildilarmi yoki kam qildilarmi, bilmayman. Salom berganlarida u zotga: «Yo Rasululloh! Namozda biror yangi narsa boʻldimi?» deyildi. U zot: «Yoʻq, nima boʻlibdi?» dedilar. Ular: «Siz mana bunday-bunday oʻqidingiz», dedilar. Shunda u zot ikki oyoqlarini bukib, sahv (unutish) uchun ikki sajda qildilar. Salom berganlaridan soʻng: «Men ham insonman, sizlar unutganingizdek unutaman. Biringiz namozida shubhaga tushsa, toʻgʻrisini izlab (namozini tugatsin), salom berganida esa ikki sajda qilsin», dedilar.Абдуллоҳ ибн Масъуд (розияллоҳу анҳу)дан ривоят қилинади: Расулуллоҳ ﷺ бир намоз ўқидилар — (ракатни) зиёда қилдиларми ёки кам қилдиларми, билмайман. Салом берганларида у зотга: «Ё Расулуллоҳ! Намозда бирор янги нарса бўлдими?» дейилди. У зот: «Йўқ, нима бўлибди?» дедилар. Улар: «Сиз мана бундай-бундай ўқидингиз», дедилар. Шунда у зот икки оёқларини букиб, саҳв (унутиш) учун икки сажда қилдилар. Салом берганларидан сўнг: «Мен ҳам инсонман, сизлар унутганингиздек унутаман. Бирингиз намозида шубҳага тушса, тўғрисини излаб (намозини тугатсин), салом берганида эса икки сажда қилсин», дедилар.