Abdulloh ibn Masʼud (roziyallohu anhu) aytdi: Rost soʻzlovchi va soʻzi tasdiqlangan Rasululloh ﷺning shunday deganlarini eshitdim: «Sizlardan biringizning yaralishi onasining qornida qirq kecha jam boʻlib turadi, soʻng shuncha muddat aloqa (laxta qon) boʻladi, soʻng shuncha muddat muzgʻa (bir chaynam goʻsht) boʻladi. Soʻng Alloh azza va jalla unga farishtalardan bir farishtani yuboradi va: ‹Uning amalini, ajalini va rizqini yoz hamda uni badbaxt yoki baxtli deb yoz›, deydi.» Soʻng u zot: «Abdullohning joni qoʻlida boʻlgan Zot bilan qasamki, albatta, kishi jannat ahlining amali bilan amal qiladi, hatto u bilan jannat orasida bir tirsakcha (masofa) qolganida, unga badbaxtlik yetib, doʻzax ahlining amali bilan amal qiladi-da, oʻlib doʻzaxga kiradi. Abdullohning joni qoʻlida boʻlgan Zot bilan qasamki, albatta, kishi doʻzax ahlining amali bilan amal qiladi, hatto u bilan doʻzax orasida bir tirsakcha (masofa) qolganida, unga baxtlilik yetib, jannat ahlining amali bilan amal qiladi-da, oʻlib jannatga kiradi», dedilar.Абдуллоҳ ибн Масъуд (розияллоҳу анҳу) айтди: Рост сўзловчи ва сўзи тасдиқланган Расулуллоҳ ﷺнинг шундай деганларини эшитдим: «Сизлардан бирингизнинг яралиши онасининг қорнида қирқ кеча жам бўлиб туради, сўнг шунча муддат алоқа (лахта қон) бўлади, сўнг шунча муддат музға (бир чайнам гўшт) бўлади. Сўнг Аллоҳ азза ва жалла унга фаришталардан бир фариштани юборади ва: ‹Унинг амалини, ажалини ва ризқини ёз ҳамда уни бадбахт ёки бахтли деб ёз›, дейди.» Сўнг у зот: «Абдуллоҳнинг жони қўлида бўлган Зот билан қасамки, албатта, киши жаннат аҳлининг амали билан амал қилади, ҳатто у билан жаннат орасида бир тирсакча (масофа) қолганида, унга бадбахтлик етиб, дўзах аҳлининг амали билан амал қилади-да, ўлиб дўзахга киради. Абдуллоҳнинг жони қўлида бўлган Зот билан қасамки, албатта, киши дўзах аҳлининг амали билан амал қилади, ҳатто у билан дўзах орасида бир тирсакча (масофа) қолганида, унга бахтлилик етиб, жаннат аҳлининг амали билан амал қилади-да, ўлиб жаннатга киради», дедилар.