Abu Hurayra (roziyallohu anhu)dan rivoyat qilinadi: Nabiy ﷺ: «Zamon yaqinlashganda musulmonning tushi deyarli yolgʻon chiqmaydi. Ularning tushi eng rost boʻlgani — gapi eng rost boʻlganidir. Musulmonning tushi paygʻambarlikning qirq oltidan bir boʻlagidir», dedilar. Yana u zot shunday dedilar: «Tush uch xil boʻladi: solih tush — aziz va jalil Allohdan boshorat; tush — shaytondan (keladigan) gʻam solish; tush — kishining oʻz koʻngliga solgan narsasidir. Bas, biringiz oʻzi yomon koʻradigan (tush) koʻrsa, uni hech kimga aytmasin, balki turib namoz oʻqisin». Yana (u zot): «Men uyquda kishan (koʻrishni) yaxshi koʻraman, boʻyinturuqni esa yomon koʻraman; kishan — dinda sobitlikdir», dedilar.Абу Ҳурайра (розияллоҳу анҳу)дан ривоят қилинади: Набий ﷺ: «Замон яқинлашганда мусулмоннинг туши деярли ёлғон чиқмайди. Уларнинг туши энг рост бўлгани — гапи энг рост бўлганидир. Мусулмоннинг туши пайғамбарликнинг қирқ олтидан бир бўлагидир», дедилар. Яна у зот шундай дедилар: «Туш уч хил бўлади: солиҳ туш — азиз ва жалил Аллоҳдан бошорат; туш — шайтондан (келадиган) ғам солиш; туш — кишининг ўз кўнглига солган нарсасидир. Бас, бирингиз ўзи ёмон кўрадиган (туш) кўрса, уни ҳеч кимга айтмасин, балки туриб намоз ўқисин». Яна (у зот): «Мен уйқуда кишан (кўришни) яхши кўраман, бўйинтуруқни эса ёмон кўраман; кишан — динда собитликдир», дедилар.