Abu Rimsa at-Taymiy (roziyallohu anhu) aytdi: Men Nabiy ﷺning huzurlariga keldim, oʻgʻlim ham men bilan birga edi. (Kimdir) menga u zotni koʻrsatdi. Men oʻgʻlimga: «Bu — Rasululloh ﷺdir», dedim. Shunda Rasululloh ﷺdan hayiqqanidan uni titroq bosdi. Men u zotga: «Ey Allohning Nabiysi, men tabib kishiman, tabiblar xonadonidanman; orqangizni menga koʻrsating: agar u shish boʻlsa, uni yorib qoʻyaman, agar boshqa narsa boʻlsa, sizga xabar beraman. Chunki yara yoki chipqonni mendan koʻra yaxshiroq biladigan inson yoʻq», dedim. U zot: «Uning tabibi — Allohdir», dedilar. U zotning egnilarida ikkita yashil burd bor, sochlarini oqlik bosgan, oqargani esa qizil edi. Soʻng u zot: «Mana shu oʻgʻlingmi?» dedilar. Men: «Ha, Kaʼbaning Rabbiga qasam», dedim. U zot: «Oʻzingning oʻgʻlingmi?» dedilar. Men: «Bunga guvohlik beraman», dedim. U zot: «Albatta, u sening jinoyating uchun, sen esa uning jinoyati uchun javobgar boʻlmaysan», dedilar.Абу Римса ат-Таймий (розияллоҳу анҳу) айтди: Мен Набий ﷺнинг ҳузурларига келдим, ўғлим ҳам мен билан бирга эди. (Кимдир) менга у зотни кўрсатди. Мен ўғлимга: «Бу — Расулуллоҳ ﷺдир», дедим. Шунда Расулуллоҳ ﷺдан ҳайиққанидан уни титроқ босди. Мен у зотга: «Эй Аллоҳнинг Набийси, мен табиб кишиман, табиблар хонадониданман; орқангизни менга кўрсатинг: агар у шиш бўлса, уни ёриб қўяман, агар бошқа нарса бўлса, сизга хабар бераман. Чунки яра ёки чипқонни мендан кўра яхшироқ биладиган инсон йўқ», дедим. У зот: «Унинг табиби — Аллоҳдир», дедилар. У зотнинг эгниларида иккита яшил бурд бор, сочларини оқлик босган, оқаргани эса қизил эди. Сўнг у зот: «Мана шу ўғлингми?» дедилар. Мен: «Ҳа, Каъбанинг Раббига қасам», дедим. У зот: «Ўзингнинг ўғлингми?» дедилар. Мен: «Бунга гувоҳлик бераман», дедим. У зот: «Албатта, у сенинг жиноятинг учун, сен эса унинг жинояти учун жавобгар бўлмайсан», дедилар.