Abu Hurayra (roziyallohu anhu)dan rivoyat qilinadi: Oʻlim farishtasi Musoning oldiga yuborildi. (Farishta) uning oldiga kelganida, (Muso) uni urib, koʻzini chiqarib yubordi. (Farishta) aziz va jalil Robbisiga qaytib: «Sen meni oʻlimni istamaydigan bandaning oldiga yuboribsan», dedi. Shunda aziz va jalil Alloh unga koʻzini qaytarib berdi va: «Uning oldiga qayt va unga ayt: qoʻlini bir hoʻkizning beliga qoʻysin; qoʻli yopgan har bir tukka evaziga unga bir yil (bordir)», dedi. (Muso): «Ey Robbim, soʻng nima?» dedi. (Alloh): «Soʻng oʻlim», dedi. (Muso): «Unday boʻlsa, hozir (boʻlsin)», dedi va Allohdan oʻzini muqaddas yerga bir tosh otimicha yaqinlashtirishini soʻradi. Shunda Rasululloh ﷺ: «Agar men oʻsha yerda boʻlganimda, sizlarga uning yoʻl chetidagi, qizil tepalik tagidagi qabrini koʻrsatgan boʻlardim», dedilar.Абу Ҳурайра (розияллоҳу анҳу)дан ривоят қилинади: Ўлим фариштаси Мусонинг олдига юборилди. (Фаришта) унинг олдига келганида, (Мусо) уни уриб, кўзини чиқариб юборди. (Фаришта) азиз ва жалил Роббисига қайтиб: «Сен мени ўлимни истамайдиган банданинг олдига юборибсан», деди. Шунда азиз ва жалил Аллоҳ унга кўзини қайтариб берди ва: «Унинг олдига қайт ва унга айт: қўлини бир ҳўкизнинг белига қўйсин; қўли ёпган ҳар бир тукка эвазига унга бир йил (бордир)», деди. (Мусо): «Эй Роббим, сўнг нима?» деди. (Аллоҳ): «Сўнг ўлим», деди. (Мусо): «Ундай бўлса, ҳозир (бўлсин)», деди ва Аллоҳдан ўзини муқаддас ерга бир тош отимича яқинлаштиришини сўради. Шунда Расулуллоҳ ﷺ: «Агар мен ўша ерда бўлганимда, сизларга унинг йўл четидаги, қизил тепалик тагидаги қабрини кўрсатган бўлардим», дедилар.