حَدَّثَنَا عَفَّانُ حَدَّثَنَا حَمَّادٌ أَنْبَأَنَا ثَابِتٌ عَنْ أَبِي رَافِعٍ عَنْ أَبِي هُرَيْرَةَأَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ كَانَ فِي بَنِي إِسْرَائِيلَ رَجُلٌ يُقَالُ لَهُ جُرَيْجٌ كَانَ يَتَعَبَّدُ فِي صَوْمَعَتِهِ فَأَتَتْهُ أُمُّهُ ذَاتَ يَوْمٍ فَنَادَتْهُ فَقَالَتْ أَيْ جُرَيْجُ أَيْ بُنَيَّ أَشْرِفْ عَلَيَّ أُكَلِّمْكَ أَنَا أُمُّكَ أَشْرِفْ عَلَيَّ قَالَ أَيْ رَبِّ صَلَاتِي وَأُمِّي فَأَقْبَلَ عَلَى صَلَاتِهِ ثُمَّ عَادَتْ فَنَادَتْهُ مِرَارًا فَقَالَتْ أَيْ جُرَيْجُ أَيْ بُنَيَّ أَشْرِفْ عَلَيَّ فَقَالَ أَيْ رَبِّ صَلَاتِي وَأُمِّي فَأَقْبَلَ عَلَى صَلَاتِهِ فَقَالَتْ اللَّهُمَّ لَا تُمِتْهُ حَتَّى تُرِيَهُ الْمُومِسَةَ وَكَانَتْ رَاعِيَةً تَرْعَى غَنَمًا لِأَهْلِهَا ثُمَّ تَأْوِي إِلَى ظِلِّ صَوْمَعَتِهِ فَأَصَابَتْ فَاحِشَةً فَأُخِذَتْ فَحَمَلَتْ وَكَانَ مَنْ زَنَى مِنْهُمْ قُتِلَ قَالُوا مِمَّنْ قَالَتْ مِنْ جُرَيْجٍ صَاحِبِ الصَّوْمَعَةِ فَجَاءُوا بِالْفُؤُوسِ وَالْمُرُورِ فَقَالُوا أَيْ جُرَيْجُ أَيْ مُرَاءٍ ثُمَّ قَالُوا انْزِلْ فَأَبَى وَأَقْبَلَ عَلَى صَلَاتِهِ يُصَلِّي فَأَخَذُوا فِي هَدْمِ صَوْمَعَتِهِ فَلَمَّا رَأَى ذَلِكَ نَزَلَ فَجَعَلُوا فِي عُنُقِهِ وَعُنُقِهَا حَبْلًا وَجَعَلُوا يَطُوفُونَ بِهِمَا فِي النَّاسِ فَوَضَعَ أُصْبُعَهُ عَلَى بَطْنِهَا فَقَالَ أَيْ غُلَامُ مَنْ أَبُوكَ قَالَ أَبِي فُلَانٌ رَاعِي الضَّأْنِ فَقَبَّلُوهُ وَقَالُوا إِنْ شِئْتَ بَنَيْنَا لَكَ الصَّوْمَعَةَ مِنْ ذَهَبٍ وَفِضَّةٍ قَالَ أَعِيدُوهَا كَمَا كَانَتْ
Abu Hurayra (roziyallohu anhu)dan rivoyat qilinadiki, Rasululloh ﷺ shunday dedilar: «Bani Isroilda Jurayj degan bir kishi bor edi, u oʻz savmaasida ibodat qilar edi. Bir kuni onasi kelib, uni chaqirdi va: ‹Ey Jurayj, ey oʻgʻilcham, menga qarab qoʻy, sen bilan gaplashay, men onangman, menga qarab qoʻy›, — dedi. U: ‹Ey Robbim, namozimmi yo onammi?› — dedi-da, namoziga yuzlandi. Soʻng (onasi) qaytib kelib, uni bir necha bor chaqirdi va: ‹Ey Jurayj, ey oʻgʻilcham, menga qarab qoʻy›, — dedi. U: ‹Ey Robbim, namozimmi yo onammi?› — dedi-da, namoziga yuzlandi. Shunda (onasi): ‹Allohim, unga fohisha ayolni koʻrsatmaguningcha, uni oʻldirma!› — dedi. (Oʻsha yerda) bir choʻpon ayol bor edi, u oʻz ahlining qoʻylarini boqar, soʻng savmaaning soyasiga kelib panoh topar edi. U fohishalik qildi va tutildi, homilador ham boʻldi. Ularda zino qilgan kishi oʻldirilar edi. Ular: ‹Kimdan?› — deyishdi. U: ‹Savmaa sohibi Jurayjdan›, — dedi. Shunda ular boltalar va belkuraklar bilan kelib: ‹Ey Jurayj, ey riyokor!› — deyishdi. Soʻng: ‹Tush!› — deyishdi. U bosh tortdi va namoziga yuzlanib, namoz oʻqiyverdi. Shunda ular uning savmaasini buza boshlashdi. Buni koʻrgach, u tushdi. Ular uning boʻyniga ham, u ayolning boʻyniga ham arqon solib, ikkovini odamlar orasida aylantira boshlashdi. U (Jurayj) barmogʻini ayolning qorniga qoʻyib: ‹Ey bola, otang kim?› — dedi. U: ‹Otam falonchi — qoʻy choʻponi›, — dedi. Shunda ular uni oʻpib: ‹Xohlasang, savmaangni oltin va kumushdan quramiz›, — deyishdi. U: ‹Uni qanday boʻlsa, shundayligicha qaytaringlar›, — dedi».Абу Ҳурайра (розияллоҳу анҳу)дан ривоят қилинадики, Расулуллоҳ ﷺ шундай дедилар: «Бани Исроилда Журайж деган бир киши бор эди, у ўз савмаасида ибодат қилар эди. Бир куни онаси келиб, уни чақирди ва: ‹Эй Журайж, эй ўғилчам, менга қараб қўй, сен билан гаплашай, мен онангман, менга қараб қўй›, — деди. У: ‹Эй Роббим, намозимми ё онамми?› — деди-да, намозига юзланди. Сўнг (онаси) қайтиб келиб, уни бир неча бор чақирди ва: ‹Эй Журайж, эй ўғилчам, менга қараб қўй›, — деди. У: ‹Эй Роббим, намозимми ё онамми?› — деди-да, намозига юзланди. Шунда (онаси): ‹Аллоҳим, унга фоҳиша аёлни кўрсатмагунингча, уни ўлдирма!› — деди. (Ўша ерда) бир чўпон аёл бор эди, у ўз аҳлининг қўйларини боқар, сўнг савмаанинг соясига келиб паноҳ топар эди. У фоҳишалик қилди ва тутилди, ҳомиладор ҳам бўлди. Уларда зино қилган киши ўлдирилар эди. Улар: ‹Кимдан?› — дейишди. У: ‹Савмаа соҳиби Журайждан›, — деди. Шунда улар болталар ва белкураклар билан келиб: ‹Эй Журайж, эй риёкор!› — дейишди. Сўнг: ‹Туш!› — дейишди. У бош тортди ва намозига юзланиб, намоз ўқийверди. Шунда улар унинг савмаасини буза бошлашди. Буни кўргач, у тушди. Улар унинг бўйнига ҳам, у аёлнинг бўйнига ҳам арқон солиб, икковини одамлар орасида айлантира бошлашди. У (Журайж) бармоғини аёлнинг қорнига қўйиб: ‹Эй бола, отанг ким?› — деди. У: ‹Отам фалончи — қўй чўпони›, — деди. Шунда улар уни ўпиб: ‹Хоҳласанг, савмаангни олтин ва кумушдан қурамиз›, — дейишди. У: ‹Уни қандай бўлса, шундайлигича қайтаринглар›, — деди».