Abu Hurayra (roziyallohu anhu)dan rivoyat qilinadi: Rasululloh ﷺ: «Men paygʻambarlardan oltita (narsa) bilan ustun qilindim», dedilar. «Ular nimalar, yo Rasululloh?», deyildi. U zot: «Menga jomeʼul-kalim (qisqa soʻzda keng maʼno) berildi, qoʻrquv solish bilan nusrat berildim, gʻanimatlar menga halol qilindi, yer menga masjid va poklovchi qilindi, men butun xalqqa yuborildim va men bilan paygʻambarlar muhrlandi. Mening va paygʻambarlarning misoli — bir qasr qurib, uning binosini kamoliga yetkazgan va chiroyli qilgan, faqat bitta gʻisht oʻrni qolgan kishining misoliga oʻxshaydi. Odamlar qasrga qarab: ‹Bu qasrning binosi naqadar chiroyli! Faqat mana shu gʻisht toʻldirilsa edi›, deydilar. Bilingki, oʻsha gʻisht — menman; bilingki, oʻsha gʻisht — menman», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Мен пайғамбарлардан олтита (нарса) билан устун қилиндим», дедилар. «Улар нималар, ё Расулуллоҳ?», дейилди. У зот: «Менга жомеъул-калим (қисқа сўзда кенг маъно) берилди, қўрқув солиш билан нусрат берилдим, ғаниматлар менга ҳалол қилинди, ер менга масжид ва покловчи қилинди, мен бутун халққа юборилдим ва мен билан пайғамбарлар муҳрланди. Менинг ва пайғамбарларнинг мисоли — бир қаср қуриб, унинг биносини камолига етказган ва чиройли қилган, фақат битта ғишт ўрни қолган кишининг мисолига ўхшайди. Одамлар қасрга қараб: ‹Бу қасрнинг биноси нақадар чиройли! Фақат мана шу ғишт тўлдирилса эди›, дейдилар. Билингки, ўша ғишт — менман; билингки, ўша ғишт — менман», дедилар.