Abu Hurayra (roziyallohu anhu)dan rivoyat qilinadi: Nabiy ﷺ: «Alloh taolo: ‹Men solih bandalarim uchun hech bir koʻz koʻrmagan, hech bir quloq eshitmagan va hech bir insonning xayoliga kelmagan (neʼmatlarni) tayyorlab qoʻydim›, dedi. Agar xohlasangiz, oʻqinglar: {Bas, hech bir jon ular uchun yashirib qoʻyilgan koʻz quvontiruvchi (neʼmatlar)ni bilmas} (Sajda 17)», — dedilar. Yana u zot ﷺ: «Albatta, jannatda shunday daraxt borki, otliq uning soyasida yuz yil yursa ham uni bosib oʻta olmaydi. Agar xohlasangiz, oʻqinglar: {Hamda choʻzilgan soyada} (Voqea 30)», — dedilar. Rasululloh ﷺ: «Jannatda birontangizning bir qamchi (qoʻyiladigan) joyi dunyo va undagi barcha narsalardan yaxshiroqdir», — dedilar va: {Bas, kim doʻzaxdan uzoqlashtirilib, jannatga kiritilsa, demak, u yutibdi. Dunyo hayoti esa aldagʻich matodan boshqa narsa emas} (Oli Imron 185) (oyatini) oʻqidilar.Абу Ҳурайра (розияллоҳу анҳу)дан ривоят қилинади: Набий ﷺ: «Аллоҳ таоло: ‹Мен солиҳ бандаларим учун ҳеч бир кўз кўрмаган, ҳеч бир қулоқ эшитмаган ва ҳеч бир инсоннинг хаёлига келмаган (неъматларни) тайёрлаб қўйдим›, деди. Агар хоҳласангиз, ўқинглар: {Бас, ҳеч бир жон улар учун яшириб қўйилган кўз қувонтирувчи (неъматлар)ни билмас} (Сажда 17)», — дедилар. Яна у зот ﷺ: «Албатта, жаннатда шундай дарахт борки, отлиқ унинг соясида юз йил юрса ҳам уни босиб ўта олмайди. Агар хоҳласангиз, ўқинглар: {Ҳамда чўзилган сояда} (Воқеа 30)», — дедилар. Расулуллоҳ ﷺ: «Жаннатда биронтангизнинг бир қамчи (қўйиладиган) жойи дунё ва ундаги барча нарсалардан яхшироқдир», — дедилар ва: {Бас, ким дўзахдан узоқлаштирилиб, жаннатга киритилса, демак, у ютибди. Дунё ҳаёти эса алдағич матодан бошқа нарса эмас} (Оли Имрон 185) (оятини) ўқидилар.