Abu Hurayra (roziyallohu anhu) aytdi: Biz oʻtirgan holda Nabiy ﷺ dan eshitgan narsalarimizni yozar edik. U zot huzurimizga chiqib: «Bu nima, yozayapsizlarmi?» dedilar. Biz: «Sizdan eshitayotgan narsalarimizni», dedik. U zot: «Allohning Kitobi bilan birga (yana) kitobmi? Allohning Kitobini yozinglar, Allohning Kitobini xolis qilinglar. Allohning Kitobidan boshqa kitobmi? Allohning Kitobini xolis qilinglar», yoki: «uni sof qilinglar», dedilar. (Rovi) aytdi: Biz yozgan narsalarimizni bir joyga toʻpladik, soʻng uni olovda yoqib yubordik. Biz: «Ey Allohning Rasuli, sizdan (eshitganimizni) gapirsak boʻladimi?» dedik. U zot: «Ha, mendan gapiringlar, bunda gunoh yoʻq. Kim men haqimda ataylab yolgʻon gapirsa, doʻzaxdan oʻz oʻrnini tayyorlasin», dedilar. (Rovi) aytdi: Biz: «Ey Allohning Rasuli, Bani Isroil haqida gapirsak boʻladimi?» dedik. U zot: «Ha, Bani Isroil haqida gapiringlar, bunda gunoh yoʻq. Chunki sizlar ular haqida qanday narsani gapirmanglar, ularda undan ham ajablanarlirogʻi boʻlgan», dedilar.Абу Ҳурайра (розияллоҳу анҳу) айтди: Биз ўтирган ҳолда Набий ﷺ дан эшитган нарсаларимизни ёзар эдик. У зот ҳузуримизга чиқиб: «Бу нима, ёзаяпсизларми?» дедилар. Биз: «Сиздан эшитаётган нарсаларимизни», дедик. У зот: «Аллоҳнинг Китоби билан бирга (яна) китобми? Аллоҳнинг Китобини ёзинглар, Аллоҳнинг Китобини холис қилинглар. Аллоҳнинг Китобидан бошқа китобми? Аллоҳнинг Китобини холис қилинглар», ёки: «уни соф қилинглар», дедилар. (Рови) айтди: Биз ёзган нарсаларимизни бир жойга тўпладик, сўнг уни оловда ёқиб юбордик. Биз: «Эй Аллоҳнинг Расули, сиздан (эшитганимизни) гапирсак бўладими?» дедик. У зот: «Ҳа, мендан гапиринглар, бунда гуноҳ йўқ. Ким мен ҳақимда атайлаб ёлғон гапирса, дўзахдан ўз ўрнини тайёрласин», дедилар. (Рови) айтди: Биз: «Эй Аллоҳнинг Расули, Бани Исроил ҳақида гапирсак бўладими?» дедик. У зот: «Ҳа, Бани Исроил ҳақида гапиринглар, бунда гуноҳ йўқ. Чунки сизлар улар ҳақида қандай нарсани гапирманглар, уларда ундан ҳам ажабланарлироғи бўлган», дедилар.