Anas ibn Molik (roziyallohu anhu)dan rivoyat qilinadi: Banu Tamimdan bir kishi Rasululloh ﷺning huzurlariga kelib: «Yo Rasululloh, men koʻp molli, ahl-u ayolli, farzandli va shahar (aholisidan) kishiman. Menga qanday infoq qilishimni va qanday qilishimni ayting», dedi. Rasululloh ﷺ: «Molingdan zakot chiqarasan, chunki u seni poklovchi poklikdir. Qarindoshlaring bilan silai rahm qilasan, soʻrovchining, qoʻshnining va miskinning haqqini bilasan», dedilar. U: «Yo Rasululloh, menga qisqaroq qiling», dedi. U zot: «Bas, qarindoshga haqqini ber, miskinga va yoʻlovchiga ham; isrofgarchilik bilan sochib yuborma», dedilar. U: «Menga shu kifoya, yo Rasululloh. Zakotni sizning elchingizga topshirsam, Alloh va Rasuli oldida undan xalos boʻlamanmi?» dedi. Rasululloh ﷺ: «Ha, uni mening elchimga topshirsang, undan xalos boʻlasan; uning ajri senga, gunohi esa uni oʻzgartirgan kishiga boʻladi», dedilar.Анас ибн Молик (розияллоҳу анҳу)дан ривоят қилинади: Бану Тамимдан бир киши Расулуллоҳ ﷺнинг ҳузурларига келиб: «Ё Расулуллоҳ, мен кўп молли, аҳл-у аёлли, фарзандли ва шаҳар (аҳолисидан) кишиман. Менга қандай инфоқ қилишимни ва қандай қилишимни айтинг», деди. Расулуллоҳ ﷺ: «Молингдан закот чиқарасан, чунки у сени покловчи покликдир. Қариндошларинг билан силаи раҳм қиласан, сўровчининг, қўшнининг ва мискиннинг ҳаққини биласан», дедилар. У: «Ё Расулуллоҳ, менга қисқароқ қилинг», деди. У зот: «Бас, қариндошга ҳаққини бер, мискинга ва йўловчига ҳам; исрофгарчилик билан сочиб юборма», дедилар. У: «Менга шу кифоя, ё Расулуллоҳ. Закотни сизнинг элчингизга топширсам, Аллоҳ ва Расули олдида ундан халос бўламанми?» деди. Расулуллоҳ ﷺ: «Ҳа, уни менинг элчимга топширсанг, ундан халос бўласан; унинг ажри сенга, гуноҳи эса уни ўзгартирган кишига бўлади», дедилар.