Anas ibn Molik (roziyallohu anhu)dan rivoyat qilinadi: Rasululloh ﷺning huzurlariga kirdim; u zot boʻyra toʻshalgan bir soʻrida yonboshlab yotgan, bosh ostilarida ichi xurmo tolasi bilan toʻldirilgan charm yostiq bor edi. Sahobalaridan bir necha kishi kirdi, Umar ham kirdi. Rasululloh ﷺ bir tomonga oʻgirildilar va Umar u zotning yonboshlari bilan boʻyra orasida hech qanday kiyim koʻrmadi; boʻyra Rasululloh ﷺning yonboshlarida iz qoldirgan edi. Shunda Umar yigʻlab yubordi. Nabiy ﷺ unga: «Nega yigʻlayapsan, ey Umar?» dedilar. U: «Allohga qasamki, faqat men sizni Alloh azza va jalla huzurida Kisro va Qaysardan koʻra karamliroq ekaningizni bilaman; ular esa dunyoda oʻzlari ovunayotgan narsalar bilan ovunmoqdalar, siz, ey Allohning Rasuli, mana shu koʻrib turganim holdasiz», dedi. Nabiy ﷺ: «Dunyo ularniki, oxirat esa bizniki boʻlishiga rozi emasmisan?» dedilar. Umar: «Ha, roziman», dedi. U zot: «Bas, u shundaydir», dedilar.Анас ибн Молик (розияллоҳу анҳу)дан ривоят қилинади: Расулуллоҳ ﷺнинг ҳузурларига кирдим; у зот бўйра тўшалган бир сўрида ёнбошлаб ётган, бош остиларида ичи хурмо толаси билан тўлдирилган чарм ёстиқ бор эди. Саҳобаларидан бир неча киши кирди, Умар ҳам кирди. Расулуллоҳ ﷺ бир томонга ўгирилдилар ва Умар у зотнинг ёнбошлари билан бўйра орасида ҳеч қандай кийим кўрмади; бўйра Расулуллоҳ ﷺнинг ёнбошларида из қолдирган эди. Шунда Умар йиғлаб юборди. Набий ﷺ унга: «Нега йиғлаяпсан, эй Умар?» дедилар. У: «Аллоҳга қасамки, фақат мен сизни Аллоҳ азза ва жалла ҳузурида Кисро ва Қайсардан кўра карамлироқ эканингизни биламан; улар эса дунёда ўзлари овунаётган нарсалар билан овунмоқдалар, сиз, эй Аллоҳнинг Расули, мана шу кўриб турганим ҳолдасиз», деди. Набий ﷺ: «Дунё уларники, охират эса бизники бўлишига рози эмасмисан?» дедилар. Умар: «Ҳа, розиман», деди. У зот: «Бас, у шундайдир», дедилар.