Anas (roziyallohu anhu) aytdi: Nabiy ﷺ Ramazonda namoz oʻqiyotgan edilar, men kelib, u zotning ortlarida turdim. Yana bir kishi kelib yonimda turdi, soʻng boshqasi keldi, hatto bir guruh boʻldik. Rasululloh ﷺ bizning ortlarida ekanimizni sezganlarida, namozni yengillashtirdilar, soʻng turib uylariga kirdilar va bizning oldimizda oʻqimagan namozni oʻqidilar. Tongga chiqqanimizda: «Yo Rasululloh, kecha bizni sezdingizmi?» dedik. U zot: «Ha, oʻsha meni qilgan ishimga undadi», dedilar. Soʻng u zot visol tuta boshladilar, bu oyning oxirida edi. Ashoblaridan baʼzi kishilar ham visol tuta boshladilar. Shunda Rasululloh ﷺ: «Visol tutayotgan kishilarga nima boʻldi? Sizlar menga oʻxshamaysizlar. Ogoh boʻlinglar, Allohga qasamki, agar oy menga uzaytirilsa edi, shunday visol tutardimki, ifrotga ketuvchilar oʻz ifrotlarini tark qilardilar», dedilar.Анас (розияллоҳу анҳу) айтди: Набий ﷺ Рамазонда намоз ўқиётган эдилар, мен келиб, у зотнинг ортларида турдим. Яна бир киши келиб ёнимда турди, сўнг бошқаси келди, ҳатто бир гуруҳ бўлдик. Расулуллоҳ ﷺ бизнинг ортларида эканимизни сезганларида, намозни енгиллаштирдилар, сўнг туриб уйларига кирдилар ва бизнинг олдимизда ўқимаган намозни ўқидилар. Тонгга чиққанимизда: «Ё Расулуллоҳ, кеча бизни сездингизми?» дедик. У зот: «Ҳа, ўша мени қилган ишимга ундади», дедилар. Сўнг у зот висол тута бошладилар, бу ойнинг охирида эди. Ашобларидан баъзи кишилар ҳам висол тута бошладилар. Шунда Расулуллоҳ ﷺ: «Висол тутаётган кишиларга нима бўлди? Сизлар менга ўхшамайсизлар. Огоҳ бўлинглар, Аллоҳга қасамки, агар ой менга узайтирилса эди, шундай висол тутардимки, ифротга кетувчилар ўз ифротларини тарк қилардилар», дедилар.