Anas ibn Molik (roziyallohu anhu)dan rivoyat qilinadi: Rasululloh ﷺ Ramazonda namoz oʻqiyotgan edilar, men kelib, u zotning yonlarida turdim. Yana boshqa bir kishi kelib, u ham turdi, hatto bir guruh boʻldik. Nabiy ﷺ bizning orqalarida ekanimizni sezganlarida, namozni yengillashtira boshladilar, soʻng oʻz uylariga kirib, biz oldimizda oʻqimaydigan (uzun) namozni oʻqidilar. (Anas) dedi: Tongga chiqqanimizda u zotga: «Kechasi bizni sezdingizmi?» dedik. (Anas) dedi: U zot: «Ha, oʻsha menga qilgan ishimni qildirdi», dedilar. (Anas) dedi: Soʻng Rasululloh ﷺ visol qila boshladilar, bu (Ramazon) oyining oxirida edi. Ashoblaridan baʼzi kishilar ham visol qila boshladilar. Shunda Nabiy ﷺ: «Visol qilayotgan kishilarga nima boʻldi? Sizlar menga oʻxshamaysizlar. Ogoh boʻlinglar, Olloh nomi bilan qasamki, agar oy menga uzaytirilsaydi, men shunday visol qilardimki, oxir-oqibat ifrotga ketuvchilar oʻz ifrotlarini tark etardilar», dedilar.Анас ибн Молик (розияллоҳу анҳу)дан ривоят қилинади: Расулуллоҳ ﷺ Рамазонда намоз ўқиётган эдилар, мен келиб, у зотнинг ёнларида турдим. Яна бошқа бир киши келиб, у ҳам турди, ҳатто бир гуруҳ бўлдик. Набий ﷺ бизнинг орқаларида эканимизни сезганларида, намозни енгиллаштира бошладилар, сўнг ўз уйларига кириб, биз олдимизда ўқимайдиган (узун) намозни ўқидилар. (Анас) деди: Тонгга чиққанимизда у зотга: «Кечаси бизни сездингизми?» дедик. (Анас) деди: У зот: «Ҳа, ўша менга қилган ишимни қилдирди», дедилар. (Анас) деди: Сўнг Расулуллоҳ ﷺ висол қила бошладилар, бу (Рамазон) ойининг охирида эди. Ашобларидан баъзи кишилар ҳам висол қила бошладилар. Шунда Набий ﷺ: «Висол қилаётган кишиларга нима бўлди? Сизлар менга ўхшамайсизлар. Огоҳ бўлинглар, Оллоҳ номи билан қасамки, агар ой менга узайтирилсайди, мен шундай висол қилардимки, охир-оқибат ифротга кетувчилар ўз ифротларини тарк этардилар», дедилар.