Jobir ibn Abdulloh (roziyallohu anhumo)dan rivoyat qilinadi: Rasululloh ﷺ: «Uylandingmi?» dedilar. Men: «Ha», dedim. U zot: «Bokiragami yoki tul ayolgami?» dedilar. Men: «Yoʻq, balki tul ayolga. Mening singillarim va ammalarim bor, ularning oldiga oʻzlariga oʻxshagan bir noʻnoqni qoʻshishni yoqtirmadim», dedim. U zot: «Bokira boʻlsa boʻlmasmidi, u bilan oʻynashar eding?» dedilar. Soʻng: «Sizlarda anmot (naqshli gilamlar) bormi?» dedilar. Men: «Ey Allohning Rasuli, qayerdan boʻlsin?» dedim. U zot: «Sekin, sizlarda albatta anmot boʻladi», dedilar. Bugun men ayolimga: «Anmotlaringni mendan narida tut», deyman, u esa: «Rasululloh ﷺ: ‹Sizlarda albatta anmot boʻladi›, demaganmidilar?» deydi. Shunda men uni oʻz holiga qoʻyaman.Жобир ибн Абдуллоҳ (розияллоҳу анҳумо)дан ривоят қилинади: Расулуллоҳ ﷺ: «Уйландингми?» дедилар. Мен: «Ҳа», дедим. У зот: «Бокирагами ёки тул аёлгами?» дедилар. Мен: «Йўқ, балки тул аёлга. Менинг сингилларим ва аммаларим бор, уларнинг олдига ўзларига ўхшаган бир нўноқни қўшишни ёқтирмадим», дедим. У зот: «Бокира бўлса бўлмасмиди, у билан ўйнашар эдинг?» дедилар. Сўнг: «Сизларда анмот (нақшли гиламлар) борми?» дедилар. Мен: «Эй Аллоҳнинг Расули, қаердан бўлсин?» дедим. У зот: «Секин, сизларда албатта анмот бўлади», дедилар. Бугун мен аёлимга: «Анмотларингни мендан нарида тут», дейман, у эса: «Расулуллоҳ ﷺ: ‹Сизларда албатта анмот бўлади›, демаганмидилар?» дейди. Шунда мен уни ўз ҳолига қўяман.