Jobir ibn Abdulloh (roziyallohu anhumo)dan Nabiy ﷺ haqlarida rivoyat qilinadiki, u zot bir kuni xutba qilib, ashoblaridan biri vafot etgani, sifati past kafanga kafanlangani va kechasi koʻmilganini zikr qildilar. Bas, Nabiy ﷺ kishi (mayyit) janoza namozi oʻqilmaguncha kechasi koʻmilishidan qaytardilar, magar bir inson bunga majbur boʻlsa (boshqa gap). Nabiy ﷺ: «Biringiz oʻz birodarini kafanlasa, uning kafanini chiroyli qilsin», dedilar. Sulaymon ibn Muso aytdi: Jobirdan kafan haqida soʻralganida, u Nabiy ﷺ bir kuni xutba qilganlarini va vafot etib, sifati past kafanga kafanlangan bir kishini zikr qilganlarini xabar berdi, soʻng shuning kabisini zikr qildi.Жобир ибн Абдуллоҳ (розияллоҳу анҳумо)дан Набий ﷺ ҳақларида ривоят қилинадики, у зот бир куни хутба қилиб, ашобларидан бири вафот этгани, сифати паст кафанга кафанлангани ва кечаси кўмилганини зикр қилдилар. Бас, Набий ﷺ киши (маййит) жаноза намози ўқилмагунча кечаси кўмилишидан қайтардилар, магар бир инсон бунга мажбур бўлса (бошқа гап). Набий ﷺ: «Бирингиз ўз биродарини кафанласа, унинг кафанини чиройли қилсин», дедилар. Сулаймон ибн Мусо айтди: Жобирдан кафан ҳақида сўралганида, у Набий ﷺ бир куни хутба қилганларини ва вафот этиб, сифати паст кафанга кафанланган бир кишини зикр қилганларини хабар берди, сўнг шунинг кабисини зикр қилди.