Jobir (roziyallohu anhu)dan rivoyat qilinadi: Isitma Nabiy ﷺ huzurlariga kirishga izn soʻradi. U zot: «Bu kim?» dedilar. U: «Ummu Mildam», dedi. Shunda u zot uni Quba ahliga (yuborishga) buyurdilar. Ular undan Alloh biladigan (mashaqqat)ni koʻrdilar. Soʻng u zotning huzurlariga kelib, bundan shikoyat qildilar. Shunda u zot: «Nimani xohlaysizlar? Xohlasangiz, Allohga duo qilaman, U buni sizlardan koʻtaradi; xohlasangiz, u sizlar uchun poklovchi boʻladi», dedilar. Ular: «Yo Rasululloh, shunday qilasizmi?» deyishdi. U zot: «Ha», dedilar. Ular: «Unday boʻlsa, uni (oʻz holiga) qoʻying», deyishdi.Жобир (розияллоҳу анҳу)дан ривоят қилинади: Иситма Набий ﷺ ҳузурларига киришга изн сўради. У зот: «Бу ким?» дедилар. У: «Умму Милдам», деди. Шунда у зот уни Қуба аҳлига (юборишга) буюрдилар. Улар ундан Аллоҳ биладиган (машаққат)ни кўрдилар. Сўнг у зотнинг ҳузурларига келиб, бундан шикоят қилдилар. Шунда у зот: «Нимани хоҳлайсизлар? Хоҳласангиз, Аллоҳга дуо қиламан, У буни сизлардан кўтаради; хоҳласангиз, у сизлар учун покловчи бўлади», дедилар. Улар: «Ё Расулуллоҳ, шундай қиласизми?» дейишди. У зот: «Ҳа», дедилар. Улар: «Ундай бўлса, уни (ўз ҳолига) қўйинг», дейишди.