Ali (roziyallohu anhu)dan rivoyat qilinadi: men Alining oldida oʻtirgan edim, Saʼsaʼa ibn Suhon kelib salom berdi, soʻng oʻrnidan turib: «Ey amirul muʼminin, Rasululloh ﷺ sizni nimalardan qaytargan boʻlsalar, bizni ham oʻshalardan qaytaring», dedi. U: «U zot bizni (kovak) qovoq idish, sirlangan kuza, qatron surtilgan idish va oʻyilgan yogʻoch idishdan qaytardilar, hamda bizni ipak aralash matodan, qizil egar bezagidan, ipakdan va oltin uzuklardan qaytardilar», dedi. Soʻng u: «Rasululloh ﷺ menga ipakdan bir kiyim kiygizdilar. Men esa odamlar mening ustimda Rasululloh ﷺ ning kiydirgan kiyimini koʻrsinlar deb, uni kiyib chiqdim. Rasululloh ﷺ meni koʻrib, ularni yechishimga buyurdilar. Soʻng ularning birini Fotimaga yubordilar, ikkinchisini esa oʻz ayollari orasida boʻlib berdilar», dedi.Али (розияллоҳу анҳу)дан ривоят қилинади: мен Алининг олдида ўтирган эдим, Саъсаъа ибн Суҳон келиб салом берди, сўнг ўрнидан туриб: «Эй амирул муъминин, Расулуллоҳ ﷺ сизни нималардан қайтарган бўлсалар, бизни ҳам ўшалардан қайтаринг», деди. У: «У зот бизни (ковак) қовоқ идиш, сирланган куза, қатрон суртилган идиш ва ўйилган ёғоч идишдан қайтардилар, ҳамда бизни ипак аралаш матодан, қизил эгар безагидан, ипакдан ва олтин узуклардан қайтардилар», деди. Сўнг у: «Расулуллоҳ ﷺ менга ипакдан бир кийим кийгиздилар. Мен эса одамлар менинг устимда Расулуллоҳ ﷺ нинг кийдирган кийимини кўрсинлар деб, уни кийиб чиқдим. Расулуллоҳ ﷺ мени кўриб, уларни ечишимга буюрдилар. Сўнг уларнинг бирини Фотимага юбордилар, иккинчисини эса ўз аёллари орасида бўлиб бердилар», деди.