Abdulloh ibn Busr (roziyallohu anhu) aytdi: Rasululloh ﷺ otamning oldilariga keldilar va uning mehmoni boʻlib tushdilar — yoki otam u zotga: «Mening huzurimga tushing», dedi. (Otam) u zotga taom, xays va saviq keltirdi, u zot uni yedilar. U zot xurmo yer va danagini tashlar edilar — (roviy) koʻrsatkich va oʻrta barmoqlarining usti bilan u zot ogʻizlaridan (chiqarib tashlaganlarini) tasvirlab berdi. Soʻng (otam) u zotga ichimlik keltirdi, u zot ichdilar, keyin oʻng tomonlaridagi kishiga uzatdilar. Soʻng (otam) turib, u zotning ulovining jilovidan ushladi va: «Men uchun Alloh azza va jallaga duo qiling», dedi. Shunda u zot: «Allohim, ularga rizq qilib berganingda ularga baraka ber, ularni magʻfirat qil va ularga rahm qil», dedilar.Абдуллоҳ ибн Буср (розияллоҳу анҳу) айтди: Расулуллоҳ ﷺ отамнинг олдиларига келдилар ва унинг меҳмони бўлиб тушдилар — ёки отам у зотга: «Менинг ҳузуримга тушинг», деди. (Отам) у зотга таом, хайс ва савиқ келтирди, у зот уни едилар. У зот хурмо ер ва данагини ташлар эдилар — (ровий) кўрсаткич ва ўрта бармоқларининг усти билан у зот оғизларидан (чиқариб ташлаганларини) тасвирлаб берди. Сўнг (отам) у зотга ичимлик келтирди, у зот ичдилар, кейин ўнг томонларидаги кишига узатдилар. Сўнг (отам) туриб, у зотнинг уловининг жиловидан ушлади ва: «Мен учун Аллоҳ азза ва жаллага дуо қилинг», деди. Шунда у зот: «Аллоҳим, уларга ризқ қилиб берганингда уларга барака бер, уларни мағфират қил ва уларга раҳм қил», дедилар.