Zirr ibn Hubaysh aytdi: Safvon ibn Assol al-Murodiy (roziyallohu anhu)ning oldiga keldim. U: «Seni nima keltirdi?» dedi. Men: «Ilm talabi», dedim. U: «Menga yetishicha, farishtalar ilm talabgoriga, u qilayotgan ishdan rozi boʻlib, oʻz qanotlarini qoʻyar ekan», dedi — soʻng hadisni zikr qildi. Rasululloh ﷺ unga: «Kishi oʻzi sevgan (kishi) bilan birgadir», dedilar. (Zirr) dedi: U menga soʻzlashda davom etib, oxiri Alloh azza va jalla magʻribda eni yetmish yillik masofa boʻlgan bir eshikni tavba uchun qilganini, quyosh oʻsha tomondan chiqmagunicha u yopilmasligini menga aytdi. Bu — Alloh azza va jallaning: {Robbingning baʼzi oyatlari keladigan kunda, (ilgari iymon keltirmagan) kishiga iymoni foyda bermas} degan soʻzidir.Зирр ибн Ҳубайш айтди: Сафвон ибн Ассол ал-Муродий (розияллоҳу анҳу)нинг олдига келдим. У: «Сени нима келтирди?» деди. Мен: «Илм талаби», дедим. У: «Менга етишича, фаришталар илм талабгорига, у қилаётган ишдан рози бўлиб, ўз қанотларини қўяр экан», деди — сўнг ҳадисни зикр қилди. Расулуллоҳ ﷺ унга: «Киши ўзи севган (киши) билан биргадир», дедилар. (Зирр) деди: У менга сўзлашда давом этиб, охири Аллоҳ азза ва жалла мағрибда эни етмиш йиллик масофа бўлган бир эшикни тавба учун қилганини, қуёш ўша томондан чиқмагунича у ёпилмаслигини менга айтди. Бу — Аллоҳ азза ва жалланинг: {Роббингнинг баъзи оятлари келадиган кунда, (илгари иймон келтирмаган) кишига иймони фойда бермас} деган сўзидир.