Ali (roziyallohu anhu)dan rivoyat qilinadi: Biz masjidda, Rahba eshigi oldida amir ul-moʻminin Ali bilan oʻtirganimizda, bir kishi kelib: «Menga Rasululloh ﷺning taharatlarini koʻrsating», dedi. Bu zavol vaqtida edi. U Qanbarni chaqirib: «Menga bir koʻza suv keltir», dedi. Soʻng kaftlari va yuzini uch marta yuvdi, ogʻziga uch marta suv olib, baʼzi barmoqlarini ogʻziga kiritdi, burniga uch marta suv oldi, ikki bilagini uch marta yuvdi va boshiga bir marta masih tortdi. «Ularning (quloqlarning) ichi yuzdan, tashqarisi boshdan (masih qilinadi)», dedi. Ikki oyogʻini toʻpiqlarigacha uch marta yuvdi, soqoli koʻksiga tomchilab turardi. Soʻng taharatdan keyin bir hoʻplam (suv) ichdi. Soʻng: «Rasululloh ﷺning taharatlari haqida soʻrovchi qani? Allohning Nabiysi ﷺning taharatlari mana shunday edi», dedi.Али (розияллоҳу анҳу)дан ривоят қилинади: Биз масжидда, Раҳба эшиги олдида амир ул-мўминин Али билан ўтирганимизда, бир киши келиб: «Менга Расулуллоҳ ﷺнинг таҳаратларини кўрсатинг», деди. Бу завол вақтида эди. У Қанбарни чақириб: «Менга бир кўза сув келтир», деди. Сўнг кафтлари ва юзини уч марта ювди, оғзига уч марта сув олиб, баъзи бармоқларини оғзига киритди, бурнига уч марта сув олди, икки билагини уч марта ювди ва бошига бир марта масиҳ тортди. «Уларнинг (қулоқларнинг) ичи юздан, ташқариси бошдан (масиҳ қилинади)», деди. Икки оёғини тўпиқларигача уч марта ювди, соқоли кўксига томчилаб турарди. Сўнг таҳаратдан кейин бир ҳўплам (сув) ичди. Сўнг: «Расулуллоҳ ﷺнинг таҳаратлари ҳақида сўровчи қани? Аллоҳнинг Набийси ﷺнинг таҳаратлари мана шундай эди», деди.