Toriq ibn Abdurrahmon al-Qurashiy (rahimahulloh)dan rivoyat qilinadiki, u shunday dedi: Rofiʼ ibn Rifoʼa ansorlarning bir majlisiga kelib: «Bugun Allohning Paygʻambari ﷺ bizni tirikchiligimizda qulaylik beradigan bir narsadan qaytardilar», dedi va: «Bizni yerni ijaraga berishdan qaytardilar va: ‹Kimning yeri boʻlsa, uni oʻzi eksin yoki birodariga ektirsin yoxud uni tashlab qoʻysin›, dedilar. Bizni hajjomning (qon oluvchining) kasbidan qaytardilar va uni suv tashuvchi tuyalarimizga yedirishimizni buyurdilar. Bizni choʻrining kasbidan — qoʻli bilan ishlab topganidan boshqasidan — qaytardilar», dedi. Va u barmoqlari bilan non yopish, ip yigirish va paxta titish kabilarga ishora qilib: «mana shunday», dedi.Ториқ ибн Абдурраҳмон ал-Қураший (раҳимаҳуллоҳ)дан ривоят қилинадики, у шундай деди: Рофиъ ибн Рифўа ансорларнинг бир мажлисига келиб: «Бугун Аллоҳнинг Пайғамбари ﷺ бизни тирикчилигимизда қулайлик берадиган бир нарсадан қайтардилар», деди ва: «Бизни ерни ижарага беришдан қайтардилар ва: ‹Кимнинг ери бўлса, уни ўзи эксин ёки биродарига эктирсин ёхуд уни ташлаб қўйсин›, дедилар. Бизни ҳажжомнинг (қон олувчининг) касбидан қайтардилар ва уни сув ташувчи туяларимизга едиришимизни буюрдилар. Бизни чўрининг касбидан — қўли билан ишлаб топганидан бошқасидан — қайтардилар», деди. Ва у бармоқлари билан нон ёпиш, ип йигириш ва пахта титиш кабиларга ишора қилиб: «мана шундай», деди.