Abdulloh ibn Abu Avfo (roziyallohu anhu)dan rivoyat qilinadi: Paygʻambar ﷺ umra qildilar; Baytni tavof qildilar, biz ham u zot bilan birga tavof qildik; u zot Maqom ortida namoz oʻqidilar, biz ham u zot bilan birga oʻqidik. Soʻng chiqib, Safo bilan Marva orasida saʼy qildilar, biz esa u zot bilan birga edik — u zotni Makka ahlidan, birortasi u zotga biror narsa otmasin yoki biror ozor yetkazmasin deb, toʻsib turardik. Soʻng u zot ahzobga qarshi duo qilib: «Allohumma munzilal-Kitob, sariyal-hisob, hozimal-ahzob, allohummahzimhum va zalzilhum» (Allohim, ey Kitobni nozil qilguvchi, hisobni tez qilguvchi, guruhlarni tor-mor etguvchi! Allohim, ularni magʻlub et va larzaga sol), dedilar. (Rovi) aytdi: Men uning bilagida bir zarb (izini) koʻrdim va: «Bu nima?» dedim. U: «Bu menga Hunayn kuni yetgan zarb», dedi. Men unga: «Sen u zot bilan birga Hunaynda hozir boʻlganmisan?» dedim. U: «Ha, undan oldin ham», dedi.Абдуллоҳ ибн Абу Авфо (розияллоҳу анҳу)дан ривоят қилинади: Пайғамбар ﷺ умра қилдилар; Байтни тавоф қилдилар, биз ҳам у зот билан бирга тавоф қилдик; у зот Мақом ортида намоз ўқидилар, биз ҳам у зот билан бирга ўқидик. Сўнг чиқиб, Сафо билан Марва орасида саъй қилдилар, биз эса у зот билан бирга эдик — у зотни Макка аҳлидан, бирортаси у зотга бирор нарса отмасин ёки бирор озор етказмасин деб, тўсиб турардик. Сўнг у зот аҳзобга қарши дуо қилиб: «Аллоҳумма мунзилал-Китоб, сариял-ҳисоб, ҳозимал-аҳзоб, аллоҳуммаҳзимҳум ва залзилҳум» (Аллоҳим, эй Китобни нозил қилгувчи, ҳисобни тез қилгувчи, гуруҳларни тор-мор этгувчи! Аллоҳим, уларни мағлуб эт ва ларзага сол), дедилар. (Рови) айтди: Мен унинг билагида бир зарб (изини) кўрдим ва: «Бу нима?» дедим. У: «Бу менга Ҳунайн куни етган зарб», деди. Мен унга: «Сен у зот билан бирга Ҳунайнда ҳозир бўлганмисан?» дедим. У: «Ҳа, ундан олдин ҳам», деди.