Saʼd (roziyallohu anhu) aytdi: Umar Nabiy ﷺ huzurlariga kirishga izn soʻradi, u zotning yonlarida ovozlari u zotning ovozlaridan baland koʻtarilgan ayollar bor edi. U zot unga izn berdilar, shunda ular shoshib turib ketishdi. Umar kirdi, Rasululloh ﷺ esa kulib turardilar. Umar: «Alloh tishingizni kuldirsin, yo Rasululloh! Ota-onam sizga fido boʻlsin», dedi. U zot: «Huzurimda boʻlgan ayollardan ajablandim: sening sharpangni eshitishlari bilan shoshib turib ketishdi», dedilar. Shunda (Umar) ularga yuzlanib: «Ey oʻz jonlariga dushman boʻlganlar! Allohga qasamki, mendan koʻra Rasululloh ﷺdan hayiqishga haqliroq edingizlar», dedi. Rasululloh ﷺ: «Ularni qoʻy, ey Umar! Allohga qasamki, shayton seni biror yoʻlda uchratsa, albatta sening yoʻlingdan boshqa yoʻlni tutadi», dedilar. Saʼd ibn Abu Vaqqos (roziyallohu anhu) hadislarining oxiri.Саъд (розияллоҳу анҳу) айтди: Умар Набий ﷺ ҳузурларига киришга изн сўради, у зотнинг ёнларида овозлари у зотнинг овозларидан баланд кўтарилган аёллар бор эди. У зот унга изн бердилар, шунда улар шошиб туриб кетишди. Умар кирди, Расулуллоҳ ﷺ эса кулиб турардилар. Умар: «Аллоҳ тишингизни кулдирсин, ё Расулуллоҳ! Ота-онам сизга фидо бўлсин», деди. У зот: «Ҳузуримда бўлган аёллардан ажабландим: сенинг шарпангни эшитишлари билан шошиб туриб кетишди», дедилар. Шунда (Умар) уларга юзланиб: «Эй ўз жонларига душман бўлганлар! Аллоҳга қасамки, мендан кўра Расулуллоҳ ﷺдан ҳайиқишга ҳақлироқ эдингизлар», деди. Расулуллоҳ ﷺ: «Уларни қўй, эй Умар! Аллоҳга қасамки, шайтон сени бирор йўлда учратса, албатта сенинг йўлингдан бошқа йўлни тутади», дедилар. Саъд ибн Абу Ваққос (розияллоҳу анҳу) ҳадисларининг охири.