Burayda (roziyallohu anhu)dan rivoyat qilinadi: Men Rasululloh ﷺ ning: «Kim qiynalgan (qarzdor)ga muhlat bersa, unga har bir kun uchun oʻshancha sadaqa (savobi) boʻladi», deyayotganlarini eshitdim. Soʻng u zotning: «Kim qiynalgan (qarzdor)ga muhlat bersa, unga har bir kun uchun oʻshanchadan ikki barobar sadaqa (savobi) boʻladi», deyayotganlarini eshitdim. Men: «Ey Allohning Rasuli, Sizning: ‹Kim qiynalganga muhlat bersa, unga har bir kun uchun oʻshancha sadaqa boʻladi›, deganingizni eshitdim, soʻng: ‹Kim qiynalganga muhlat bersa, unga har bir kun uchun oʻshanchadan ikki barobar sadaqa boʻladi›, deganingizni eshitdim», dedim. U zot: «Qarz muddati kelmasidan burun (muhlat bersa,) unga har bir kun uchun (oʻshancha) sadaqa boʻladi. Qarz muddati kelib boʻlgach, unga muhlat bersa, unga har bir kun uchun oʻshanchadan ikki barobar sadaqa boʻladi», dedilar.Бурайда (розияллоҳу анҳу)дан ривоят қилинади: Мен Расулуллоҳ ﷺ нинг: «Ким қийналган (қарздор)га муҳлат берса, унга ҳар бир кун учун ўшанча садақа (савоби) бўлади», деяётганларини эшитдим. Сўнг у зотнинг: «Ким қийналган (қарздор)га муҳлат берса, унга ҳар бир кун учун ўшанчадан икки баробар садақа (савоби) бўлади», деяётганларини эшитдим. Мен: «Эй Аллоҳнинг Расули, Сизнинг: ‹Ким қийналганга муҳлат берса, унга ҳар бир кун учун ўшанча садақа бўлади›, деганингизни эшитдим, сўнг: ‹Ким қийналганга муҳлат берса, унга ҳар бир кун учун ўшанчадан икки баробар садақа бўлади›, деганингизни эшитдим», дедим. У зот: «Қарз муддати келмасидан бурун (муҳлат берса,) унга ҳар бир кун учун (ўшанча) садақа бўлади. Қарз муддати келиб бўлгач, унга муҳлат берса, унга ҳар бир кун учун ўшанчадан икки баробар садақа бўлади», дедилар.