Ummu Salama (roziyallohu anho)dan rivoyat qilinadi: Rasululloh ﷺ duolarida koʻp marta: «Allohim, ey qalblarni oʻzgartiruvchi Zot, qalbimni dining ustida sobit qilgin», der edilar. U dedi: Men: «Ey Allohning Rasuli, qalblar oʻzgaradimi?» dedim. U zot: «Ha, Alloh yaratgan Odam bolalaridan biror inson yoʻqki, uning qalbi Allohning barmoqlaridan ikkitasi orasida boʻlmasa. Alloh azza va jalla xohlasa, uni toʻgʻri qiladi, xohlasa, uni ogʻdiradi. Bas, biz Robbimiz Allohdan bizni hidoyat qilganidan soʻng qalblarimizni ogʻdirmasligini soʻraymiz va Undan oʻz huzuridan bizga rahmat hadya etishini soʻraymiz; albatta, U koʻp hadya etuvchi Zotdir», dedilar. U dedi: Men: «Ey Allohning Rasuli, menga oʻzim uchun duo qiladigan bir duoni oʻrgatmaysizmi?» dedim. U zot: «Ha, ayt: ‹Allohim, Muhammad Paygʻambarning Robbi, gunohimni magʻfirat qil, qalbimning gʻazabini ketkaz va bizni tirik qoʻygan muddatingcha meni adashtiruvchi fitnalardan asra›», dedilar.Умму Салама (розияллоҳу анҳо)дан ривоят қилинади: Расулуллоҳ ﷺ дуоларида кўп марта: «Аллоҳим, эй қалбларни ўзгартирувчи Зот, қалбимни дининг устида собит қилгин», дер эдилар. У деди: Мен: «Эй Аллоҳнинг Расули, қалблар ўзгарадими?» дедим. У зот: «Ҳа, Аллоҳ яратган Одам болаларидан бирор инсон йўқки, унинг қалби Аллоҳнинг бармоқларидан иккитаси орасида бўлмаса. Аллоҳ азза ва жалла хоҳласа, уни тўғри қилади, хоҳласа, уни оғдиради. Бас, биз Роббимиз Аллоҳдан бизни ҳидоят қилганидан сўнг қалбларимизни оғдирмаслигини сўраймиз ва Ундан ўз ҳузуридан бизга раҳмат ҳадя этишини сўраймиз; албатта, У кўп ҳадя этувчи Зотдир», дедилар. У деди: Мен: «Эй Аллоҳнинг Расули, менга ўзим учун дуо қиладиган бир дуони ўргатмайсизми?» дедим. У зот: «Ҳа, айт: ‹Аллоҳим, Муҳаммад Пайғамбарнинг Робби, гуноҳимни мағфират қил, қалбимнинг ғазабини кетказ ва бизни тирик қўйган муддатингча мени адаштирувчи фитналардан асра›», дедилар.