Ummu Salama (roziyallohu anho)dan rivoyat qilinadi: Ansorlardan ikki kishi oʻrtalaridagi izi oʻchib ketgan meros haqida Rasululloh ﷺning huzurlarida daʼvolashib keldilar, ikkovining ham hujjati yoʻq edi. Shunda Rasululloh ﷺ: «Sizlar mening oldimga daʼvolashib kelasizlar. Men ham faqat bir insonman. Balki baʼzingiz oʻz hujjatini boshqasidan koʻra chiroyliroq bayon qilar. Men esa eshitganimga qarab orangizda hukm chiqaraman. Kimga birodarining haqidan bir narsani hukm qilib bergan boʻlsam, uni olmasin. Chunki men unga doʻzaxdan bir boʻlakni kesib bergan boʻlaman, u qiyomat kunida uni boʻyniga ilingan holda keltiradi», dedilar. Shunda ikki kishi yigʻlab, har biri: «Mening haqim birodarimga (boʻlsin)», dedi. Rasululloh ﷺ: «Modomiki shunday dedingizlar, boringlar, taqsimlanglar, soʻng haqqa intilinglar, soʻng qurʼa tashlanglar, soʻng har biringiz sherigini halollashsin», dedilar.Умму Салама (розияллоҳу анҳо)дан ривоят қилинади: Ансорлардан икки киши ўрталаридаги изи ўчиб кетган мерос ҳақида Расулуллоҳ ﷺнинг ҳузурларида даъволашиб келдилар, икковининг ҳам ҳужжати йўқ эди. Шунда Расулуллоҳ ﷺ: «Сизлар менинг олдимга даъволашиб келасизлар. Мен ҳам фақат бир инсонман. Балки баъзингиз ўз ҳужжатини бошқасидан кўра чиройлироқ баён қилар. Мен эса эшитганимга қараб орангизда ҳукм чиқараман. Кимга биродарининг ҳақидан бир нарсани ҳукм қилиб берган бўлсам, уни олмасин. Чунки мен унга дўзахдан бир бўлакни кесиб берган бўламан, у қиёмат кунида уни бўйнига илинган ҳолда келтиради», дедилар. Шунда икки киши йиғлаб, ҳар бири: «Менинг ҳақим биродаримга (бўлсин)», деди. Расулуллоҳ ﷺ: «Модомики шундай дедингизлар, боринглар, тақсимланглар, сўнг ҳаққа интилинглар, сўнг қуръа ташланглар, сўнг ҳар бирингиз шеригини ҳалоллашсин», дедилар.