Ibn Abbos (roziyallohu anhumo)dan rivoyat qilinadi: Bir kechasi men Maymunaning (xolamning) uyida tun oʻtkazdim. Men toʻshakka koʻndalang yotdim, Rasululloh ﷺ va zavjalari esa uzunasiga yotdi. Paygʻambar ﷺ yarim kechagacha yoki shunga yaqin (vaqt) uxladilar, soʻng uygʻonib, yuzlarini ishqab, Oli Imron surasidan oʻn oyat oʻqidilar. Rasululloh ﷺ bir mesh (teri xalta) tomonga borib, eng mukammal tarzda tahorat qildilar, soʻng namozga turdilar. Men ham shunday qildim va u zotning yoniga turdim. Paygʻambar ﷺ oʻng qoʻllarini boshimga qoʻyib, qulogʻimni (ohista) buradilar, soʻng besh marta ikki rakatdan (namoz) oʻqidilar va namozlarini vitr bilan tugatdilar. Soʻng muazzin kelguncha yotdilar, soʻng turib, ikki rakat (bomdod sunnatini) oʻqidilar, soʻng chiqib, bomdod namozini oʻqidilar.Ибн Аббос (розияллоҳу анҳумо)дан ривоят қилинади: Бир кечаси мен Маймунанинг (холамнинг) уйида тун ўтказдим. Мен тўшакка кўндаланг ётдим, Расулуллоҳ ﷺ ва завжалари эса узунасига ётди. Пайғамбар ﷺ ярим кечагача ёки шунга яқин (вақт) ухладилар, сўнг уйғониб, юзларини ишқаб, Оли Имрон сурасидан ўн оят ўқидилар. Расулуллоҳ ﷺ бир меш (тери халта) томонга бориб, энг мукаммал тарзда таҳорат қилдилар, сўнг намозга турдилар. Мен ҳам шундай қилдим ва у зотнинг ёнига турдим. Пайғамбар ﷺ ўнг қўлларини бошимга қўйиб, қулоғимни (оҳиста) бурадилар, сўнг беш марта икки ракатдан (намоз) ўқидилар ва намозларини витр билан тугатдилар. Сўнг муаззин келгунча ётдилар, сўнг туриб, икки ракат (бомдод суннатини) ўқидилар, сўнг чиқиб, бомдод намозини ўқидилар.