Nofiʼ (Ibn Umardan) rivoyat qiladi: Ibn Umar dedi: «Paygʻambar ﷺ hayotlik paytlarida men tushimda qoʻlimda bir parcha ipak mato borligini va u meni jannatning xohlagan tomoniga uchirib olib ketayotganini koʻrdim. Men yana goʻyo ikki kishi (yaʼni farishta) menga kelib, meni doʻzaxga olib bormoqchi boʻlganini koʻrdim. Soʻng bir farishta biz bilan uchrashib, menga qoʻrqmaslikni aytdi. Soʻng u ularga meni qoldirishni aytdi. Hafsa mening tushlarimdan birini Paygʻambar ﷺ ga aytib berdi va Paygʻambar ﷺ: ‹Abdulloh — yaxshi kishi. Koshki, u tungi (tahajjud) namozni oʻqisa edi!› — dedilar». Bas, oʻsha kundan keyin Abdulloh (ibn Umar) tahajjud oʻqiy boshladi. Paygʻambar ﷺ ning sahobalari u zotga — (Laylatul-qadr) Ramazon oyining yigirma yettinchi (kechasi)da ekanligini — tushlarida koʻrganlarini aytar edi. Paygʻambar ﷺ: «Men sizlarning tushlaringiz Ramazonning soʻnggi oʻn kechasida (mos kelishini) koʻryapman; bas, kim uni izlasa, uni Ramazonning soʻnggi oʻn kechasida izlasin», — dedilar.Нофиъ (Ибн Умардан) ривоят қилади: Ибн Умар деди: «Пайғамбар ﷺ ҳаётлик пайтларида мен тушимда қўлимда бир парча ипак мато борлигини ва у мени жаннатнинг хоҳлаган томонига учириб олиб кетаётганини кўрдим. Мен яна гўё икки киши (яъни фаришта) менга келиб, мени дўзахга олиб бормоқчи бўлганини кўрдим. Сўнг бир фаришта биз билан учрашиб, менга қўрқмасликни айтди. Сўнг у уларга мени қолдиришни айтди. Ҳафса менинг тушларимдан бирини Пайғамбар ﷺ га айтиб берди ва Пайғамбар ﷺ: ‹Абдуллоҳ — яхши киши. Кошки, у тунги (таҳажжуд) намозни ўқиса эди!› — дедилар». Бас, ўша кундан кейин Абдуллоҳ (ибн Умар) таҳажжуд ўқий бошлади. Пайғамбар ﷺ нинг саҳобалари у зотга — (Лайлатул-қадр) Рамазон ойининг йигирма еттинчи (кечаси)да эканлигини — тушларида кўрганларини айтар эди. Пайғамбар ﷺ: «Мен сизларнинг тушларингиз Рамазоннинг сўнгги ўн кечасида (мос келишини) кўряпман; бас, ким уни изласа, уни Рамазоннинг сўнгги ўн кечасида изласин», — дедилар.