حَدَّثَنَا الْحَسَنُ بْنُ الرَّبِيعِ، حَدَّثَنَا أَبُو الأَحْوَصِ، عَنِ الأَعْمَشِ، عَنْ زَيْدِ بْنِ وَهْبٍ، قَالَ عَبْدُ اللَّهِ حَدَّثَنَا رَسُولُ اللَّهِ صلى الله عليه وسلم وَهْوَ الصَّادِقُ الْمَصْدُوقُ قَالَ " إِنَّ أَحَدَكُمْ يُجْمَعُ خَلْقُهُ فِي بَطْنِ أُمِّهِ أَرْبَعِينَ يَوْمًا، ثُمَّ يَكُونُ عَلَقَةً مِثْلَ ذَلِكَ، ثُمَّ يَكُونُ مُضْغَةً مِثْلَ ذَلِكَ، ثُمَّ يَبْعَثُ اللَّهُ مَلَكًا، فَيُؤْمَرُ بِأَرْبَعِ كَلِمَاتٍ، وَيُقَالُ لَهُ اكْتُبْ عَمَلَهُ وَرِزْقَهُ وَأَجَلَهُ وَشَقِيٌّ أَوْ سَعِيدٌ. ثُمَّ يُنْفَخُ فِيهِ الرُّوحُ، فَإِنَّ الرَّجُلَ مِنْكُمْ لَيَعْمَلُ حَتَّى مَا يَكُونُ بَيْنَهُ وَبَيْنَ الْجَنَّةِ إِلاَّ ذِرَاعٌ، فَيَسْبِقُ عَلَيْهِ كِتَابُهُ، فَيَعْمَلُ بِعَمَلِ أَهْلِ النَّارِ، وَيَعْمَلُ حَتَّى مَا يَكُونُ بَيْنَهُ وَبَيْنَ النَّارِ إِلاَّ ذِرَاعٌ، فَيَسْبِقُ عَلَيْهِ الْكِتَابُ، فَيَعْمَلُ بِعَمَلِ أَهْلِ الْجَنَّةِ ".
Abdulloh ibn Masʼud (roziyallohu anhu)dan rivoyat qilinadi: Rost (soʻzlovchi) va rost (vahiy) berilgan Allohning Rasuli ﷺ: «(Insonning yaratilishi) onaning bachadonida qirq kun (nutfa holida) jamlanadi; soʻng u shunday muddat (yaʼni qirq kun) — laxta qon boʻladi; soʻng shunday muddat — bir parcha goʻsht boʻladi. Soʻng Alloh bir farishta yuboradi va unga toʻrt (narsa)ni yozish buyuriladi. Unga — uning (yaʼni yangi maxluqning) amallarini, rizqini, (oʻlim) ajalini va u (dinda) baxtli yoki badbaxt boʻlishini — yozish buyuriladi. Soʻng unga jon kiritiladi. Bas, sizlardan biringiz — u bilan jannat orasida faqat bir tirsak (masofa) qolguncha — (yaxshi) amal qilishi mumkin, soʻng uning haqiga yozilgan (taqdir) uning xatti-harakatini hal qiladi va u — doʻzax ahliga xos (yomon) amallarni qila boshlaydi. Xuddi shuningdek, sizlardan biringiz — u bilan doʻzax orasida faqat bir tirsak (masofa) qolguncha — (yomon) amal qilishi mumkin, soʻng uning haqiga yozilgan (taqdir) uning xatti-harakatini hal qiladi va u — jannat ahliga xos amallarni qila boshlaydi», — dedi.Абдуллоҳ ибн Масъуд (розияллоҳу анҳу)дан ривоят қилинади: Рост (сўзловчи) ва рост (ваҳий) берилган Аллоҳнинг Расули ﷺ: «(Инсоннинг яратилиши) онанинг бачадонида қирқ кун (нутфа ҳолида) жамланади; сўнг у шундай муддат (яъни қирқ кун) — лахта қон бўлади; сўнг шундай муддат — бир парча гўшт бўлади. Сўнг Аллоҳ бир фаришта юборади ва унга тўрт (нарса)ни ёзиш буюрилади. Унга — унинг (яъни янги махлуқнинг) амалларини, ризқини, (ўлим) ажалини ва у (динда) бахтли ёки бадбахт бўлишини — ёзиш буюрилади. Сўнг унга жон киритилади. Бас, сизлардан бирингиз — у билан жаннат орасида фақат бир тирсак (масофа) қолгунча — (яхши) амал қилиши мумкин, сўнг унинг ҳақига ёзилган (тақдир) унинг хатти-ҳаракатини ҳал қилади ва у — дўзах аҳлига хос (ёмон) амалларни қила бошлайди. Худди шунингдек, сизлардан бирингиз — у билан дўзах орасида фақат бир тирсак (масофа) қолгунча — (ёмон) амал қилиши мумкин, сўнг унинг ҳақига ёзилган (тақдир) унинг хатти-ҳаракатини ҳал қилади ва у — жаннат аҳлига хос амалларни қила бошлайди», — деди.