حَدَّثَنَا مُحَمَّدُ بْنُ عَبَادَةَ، أَخْبَرَنَا يَزِيدُ، حَدَّثَنَا سَلِيمُ بْنُ حَيَّانَ ـ وَأَثْنَى عَلَيْهِ ـ حَدَّثَنَا سَعِيدُ بْنُ مِينَاءَ، حَدَّثَنَا أَوْ، سَمِعْتُ جَابِرَ بْنَ عَبْدِ اللَّهِ، يَقُولُ جَاءَتْ مَلاَئِكَةٌ إِلَى النَّبِيِّ صلى الله عليه وسلم وَهْوَ نَائِمٌ فَقَالَ بَعْضُهُمْ إِنَّهُ نَائِمٌ. وَقَالَ بَعْضُهُمْ إِنَّ الْعَيْنَ نَائِمَةٌ وَالْقَلْبَ يَقْظَانُ. فَقَالُوا إِنَّ لِصَاحِبِكُمْ هَذَا مَثَلاً فَاضْرِبُوا لَهُ مَثَلاً. فَقَالَ بَعْضُهُمْ إِنَّهُ نَائِمٌ. وَقَالَ بَعْضُهُمْ إِنَّ الْعَيْنَ نَائِمَةٌ وَالْقَلْبَ يَقْظَانُ. فَقَالُوا مَثَلُهُ كَمَثَلِ رَجُلٍ بَنَى دَارًا، وَجَعَلَ فِيهَا مَأْدُبَةً وَبَعَثَ دَاعِيًا، فَمَنْ أَجَابَ الدَّاعِيَ دَخَلَ الدَّارَ وَأَكَلَ مِنَ الْمَأْدُبَةِ، وَمَنْ لَمْ يُجِبِ الدَّاعِيَ لَمْ يَدْخُلِ الدَّارَ وَلَمْ يَأْكُلْ مِنَ الْمَأْدُبَةِ. فَقَالُوا أَوِّلُوهَا لَهُ يَفْقَهْهَا فَقَالَ بَعْضُهُمْ إِنَّهُ نَائِمٌ. وَقَالَ بَعْضُهُمْ إِنَّ الْعَيْنَ نَائِمَةٌ وَالْقَلْبَ يَقْظَانُ. فَقَالُوا فَالدَّارُ الْجَنَّةُ، وَالدَّاعِي مُحَمَّدٌ صلى الله عليه وسلم فَمَنْ أَطَاعَ مُحَمَّدًا صلى الله عليه وسلم فَقَدْ أَطَاعَ اللَّهَ، وَمَنْ عَصَى مُحَمَّدًا صلى الله عليه وسلم فَقَدْ عَصَى اللَّهَ، وَمُحَمَّدٌ صلى الله عليه وسلم فَرْقٌ بَيْنَ النَّاسِ. تَابَعَهُ قُتَيْبَةُ عَنْ لَيْثٍ، عَنْ خَالِدٍ، عَنْ سَعِيدِ بْنِ أَبِي هِلاَلٍ، عَنْ جَابِرٍ، خَرَجَ عَلَيْنَا النَّبِيُّ صلى الله عليه وسلم.
Jobir ibn Abdulloh (roziyallohu anhumo) shunday deganini eshitdim: Nabiy ﷺ uxlab yotgan paytlarida u zotning oldilariga farishtalar kelishdi. Ulardan baʼzilari: «U uxlab yotibdi», dedi. Baʼzilari esa: «Koʻzi uxlayotgan boʻlsa-da, qalbi uygʻoqdir», dedi. Soʻng ular: «Bu sohibingiz uchun bir misol bordir, unga bir misol keltiringlar», dedilar. Ulardan baʼzilari: «U uxlab yotibdi», dedi. Baʼzilari esa: «Koʻzi uxlayotgan boʻlsa-da, qalbi uygʻoqdir», dedi. Soʻng ular: «Uning misoli bir uy qurib, unda ziyofat tayyorlagan va odamlarni chaqirgani bir daʼvatchini yuborgan kishining misoliga oʻxshaydi. Kim daʼvatchining chaqirigʻini qabul qilsa, uyga kirib, ziyofatdan yegay. Kim daʼvatchining chaqirigʻini qabul qilmasa, uyga ham kirmagay, ziyofatdan ham yemagay», dedilar. Soʻng ular: «Buni unga taʼvil qilib bering, toki uni anglab yetsin», dedilar. Ulardan baʼzilari: «U uxlab yotibdi», dedi. Baʼzilari esa: «Koʻzi uxlayotgan boʻlsa-da, qalbi uygʻoqdir», dedi. Soʻng ular: «Uy — jannatdir, daʼvatchi esa Muhammad ﷺ dir. Kim Muhammad ﷺ ga itoat qilsa, demak, u Allohga itoat qilibdi. Kim Muhammad ﷺ ga osiy boʻlsa, demak, u Allohga osiy boʻlibdi. Muhammad ﷺ odamlar oʻrtasini ajratib turuvchidir», dedilar.Жобир ибн Абдуллоҳ (розияллоҳу анҳумо) шундай деганини эшитдим: Набий ﷺ ухлаб ётган пайтларида у зотнинг олдиларига фаришталар келишди. Улардан баъзилари: «У ухлаб ётибди», деди. Баъзилари эса: «Кўзи ухлаётган бўлса-да, қалби уйғоқдир», деди. Сўнг улар: «Бу соҳибингиз учун бир мисол бордир, унга бир мисол келтиринглар», дедилар. Улардан баъзилари: «У ухлаб ётибди», деди. Баъзилари эса: «Кўзи ухлаётган бўлса-да, қалби уйғоқдир», деди. Сўнг улар: «Унинг мисоли бир уй қуриб, унда зиёфат тайёрлаган ва одамларни чақиргани бир даъватчини юборган кишининг мисолига ўхшайди. Ким даъватчининг чақириғини қабул қилса, уйга кириб, зиёфатдан егай. Ким даъватчининг чақириғини қабул қилмаса, уйга ҳам кирмагай, зиёфатдан ҳам емагай», дедилар. Сўнг улар: «Буни унга таъвил қилиб беринг, токи уни англаб етсин», дедилар. Улардан баъзилари: «У ухлаб ётибди», деди. Баъзилари эса: «Кўзи ухлаётган бўлса-да, қалби уйғоқдир», деди. Сўнг улар: «Уй — жаннатдир, даъватчи эса Муҳаммад ﷺ дир. Ким Муҳаммад ﷺ га итоат қилса, демак, у Аллоҳга итоат қилибди. Ким Муҳаммад ﷺ га осий бўлса, демак, у Аллоҳга осий бўлибди. Муҳаммад ﷺ одамлар ўртасини ажратиб турувчидир», дедилар.